13
Шихихутуг их сургуулийн Эрдмийн зөвлөлийн гишүүн, академич Ц.Батбаяр болон профессор Д.Лүндээжанцан нарын хамтран туурвисан “1945 чөлөөлөх дайн – Монгол ба дэлхий дахин” ном уншигчдын хүртээл боллоо.
Энэхүү бүтээлд 1945 оны чөлөөлөх дайны түүхэн үйл явдал, дэлхийн геополитикийн өөрчлөлт, Монгол Улсын оролцоо болон олон улсад үзүүлсэн нөлөөг архивын баримт, гэрэл зураг, оролцогчдын дурсамж, эрдэмтдийн судалгаанд тулгуурлан өгүүлжээ. Мөн тухайн үеийн цэргийн стратеги, дипломат харилцаа, Азийн бүс нутгийн хүчний тэнцвэрийн өөрчлөлтөд Монголын эзэлсэн байр суурийг тодруулсан байна.
Номын нээлтэд эрдэмтэн, судлаачид болон дипломат төлөөлөгчид оролцож, уг бүтээлийг “түүхэн үнэнийг хойч үедээ түгээх чухал эх сурвалж” хэмээн үнэлэв.
