Рэп хөгжмийн ноёрхолд төгсгөл ирэв
Рэп болон хип-хоп урсгалыг хамгийн хүчтэй, нөлөө бүхий урлагийн төрөл гэж үздэг олон хүн бий. Гэвч энэ сарын “Billboard”-ын хит-парадын жагсаалт тэдэнд таагүй мэдээ хүргэлээ. Учир нь 2025 оны аравдугаар сарын байдлаар гарсан АНУ-ын албан ёсны шилдэг 40 дууны жагсаалтад нэг ч рэп дуу багтаагүй байна.
Рэпийн гараа ба өсөлт
“Billboard” сэтгүүл 1894 оноос эхлэн хэвлэгдэж, 1936 оны нэгдүгээр сарын 4-нд анхны хит-парадаа нийтэлсэн түүхтэй. Рэп дуу анх 1979 онд Нью-Жерсигийн “The Sugarhill Gang” хамтлагийн “Rapper’s Delight” бүтээлээр дамжин энэ жагсаалтад орж иржээ.
1990 оноос хойш рэп урсгал байнгын оролцоотой байж, олон жил шилдэг дуунуудын дунд тэргүүлж ирсэн. “Billboard”-ын шинжээчдийн тооцоогоор рэп урлаг 2020 онд оргил үеэ үзсэн бөгөөд тухайн үед АНУ-ын хөгжмийн зах зээлийн 30 хувийг эзэлж байжээ.
35 жилийн дараах анхны завсарлага
Гэвч 2025 оны аравдугаар сард энэ уламжлал тасрав. Аравдугаар сарын 25-нд Kendrick Lamar болон SZA-ийн хамтран дуулсан “Luther” дуу жагсаалтаас хасагдсанаар 1990 оноос хойш анх удаа буюу 35 жилийн дараа Америкийн шилдэг 40-т рэп урсгалын төлөөлөл үлдсэнгүй.
Хитийн оргилд хэн байна вэ?
Хамгийн өндөр байрлалд одоогоор Тейлор Свифтийн “The Fate of Ophelia” дуу бичигдэж, жагсаалтыг тэргүүлж байна.
