BLACKPINK хамтлагийн Jennie ComplexCon Hong Kong 2026 фестивалийн дараа дахин олны анхаарлын төвд орж, тайзны арын агшнуудаа олон нийтэд хуваалцлаа. Тэрээр уг арга хэмжээнд онцлох уран бүтээлчээр оролцож, хүчтэй үзүүлбэр болон содон дүр төрхөөрөө үзэгчдийг татсан байна.
Фенүүддээ талархал илэрхийлэв
Гуравдугаар сарын 24-нд Jennie өөрийн сошиал хуудсаар дамжуулан фестивалийн үеийн зургуудыг нийтэлж,
“ComplexCon Hong Kong. Үнэхээр гайхалтай үдэш байлаа” хэмээн бичжээ.
Мөн тэрээр “ComplexCon Hong Kong! Ямар гайхалтай үдэш вэ. Надтай хамт энэ мөчийг хуваалцсан бүх хүмүүст хайраа илгээж байна. Баярлалаа” гэж нэмж, үзэгчдэд талархлаа илэрхийлсэн байна.
Тайзны дүр төрх ба тоглолтын онцлох мөч
Түүний нийтэлсэн зургууд дунд тайзны арын агшнууд багтсан бөгөөд Jennie корсет загварын топ, богино шорт зэрэг зоригтой сонголтуудаар өөрийн галбир, стилийг тодотгожээ. Мөн улаан үслэг нөмрөг, нарны шилтэй төрх нь түүний “global icon” төрхийг илүү тодруулсан байна.
Гуравдугаар сарын 22-нд болсон тоглолтын үеэр Jennie “Mantra” дуугаараа нээж, дараалан 10 бүтээл толилуулсан. Үүнд “Love Hangover”, “Seoul City”, “like JENNIE” зэрэг дуунууд багтаж, үзэгчдийн уур амьсгалыг оргилд хүргэсэн байна. Тэр дундаа “Dracula (JENNIE Remix)” дууг анх удаа амьдаар дуулсан нь онцлох мөч болжээ.
Олон улсын тайз руу үргэлжилсэн амжилт
Jennie энэ удаагийн фестивалийн дараа дэлхийн томоохон хөгжмийн арга хэмжээнүүдэд оролцохоор төлөвлөж байна. Тэрээр Нью-Йорк, Испани, АНУ болон Японд болох фестивалиудад онцлох уран бүтээлчээр тайзнаа гарахаар болжээ.
2023 онд өөрийн OA лейблийг байгуулснаас хойш Jennie бие даасан уран бүтээлдээ илүү төвлөрч, өнгөрсөн онд “Ruby” нэртэй анхны бүрэн хэмжээний цомгоо гаргасан байна.
