T-ara хамтлагийн хуучин гишүүн Хваён энэ оны есдүгээр сард гэрлэхээр болсон тухай мэдээлэл гарч, шүтэн бишрэгчдийн анхаарлыг татлаа.
Тэрээр хуримаа есдүгээр сарын 12-нд Сөүл хотод хийхээр төлөвлөжээ. Түүний сүйт залуу нь өөрөөс нь гурван насаар ах бизнесийн салбарт ажилладаг нэгэн аж.
Итгэл, хайр дээр суурилсан шийдвэр
Ойрын эх сурвалж дөрөвдүгээр сарын 1-нд YTN-д мэдээлэхдээ хосууд танилын шугамаар анх уулзаж, улмаар дотно харилцаатай болсон гэжээ. Мөн тэдний хоорондын бат бөх итгэлцэл, халамж анхаарал нь гэрлэх шийдвэр гаргахад хүргэсэн байна.
Хуримыг зөвхөн гэр бүлийнхэн болон хамгийн ойрын найз нөхдийн хүрээнд, хувийн байдлаар хийхээр төлөвлөсөн байна.
Хуримын дараа жүжигчний шинэ дүр төрхөөр эргэн ирнэ
Хосуудыг бие биедээ халамжтай, дулаан ханддагаараа ойр тойрныхон нь “хөөрхөн хос” хэмээн нэрлэдэг аж.
T-ara хамтлагийн гишүүн байх үеэсээ олны хайрыг хүртэж ирсэн Рю Хваён саяхан хамгийн сүүлийн уран бүтээлийнхээ зураг авалтыг дуусгажээ. Харин гэрлэсний дараа тэр илүү төлөвшсөн, гүн мэдрэмжтэй жүжигчний дүр төрхөөр үзэгчидтэйгээ уулзахаар зэхэж байгаа ажээ.
