Жүжигчин Son Ye Jin хувийн сошиал хуудсандаа хүүтэйгээ хамт байгаа зургаа нийтэлж, ердөө энх тайвны тэмдэг илэрхийлсэн эможи дагалдуулжээ.
Түүний оруулсан зурагт Son Ye Jin хүүхдийнхээ хамт гадаа, олон нийтийн дасгалын талбайд цагийг өнгөрүүлж буйгаар харагдсан байна. Тэрээр жийнс, малгай, амны хаалттай энгийн хувцасласан бөгөөд “V” гарган зургаа авхуулжээ. Харин хүү нь түүний хажууд дасгалын төхөөрөмж дээр сууж байсан ч нүүрийг нь эможигоор дарсан байв.
Зураг нийтлэгдсэний дараа фенүүдийн анхаарлыг хамгийн их татсан зүйл нь хүүхдийн өсөлт, мөн ээжтэйгээ хамт өнгөрүүлж буй тайван, энгийн уур амьсгал байлаа. Хүүгийн царай бүрэн харагдаагүй ч түүний өсөж том болж буй төрх олон нийтийн сонирхлыг дахин өдөөжээ.
Фенүүдийг хамгийн их сонирхдог сэдэв бол хүү нь эцэг эхийнхээ хэнтэй илүү адилхан бэ гэдэг асуудал юм. Son Ye Jin өмнө нь хүүгийнхээ талаар “Нүд нь надтай адилхан, харин нүүрний доод хэсэг нь аавтайгаа төстэй” хэмээн ярьж байв. Түүний энэ тайлбар Hyun Bin, Son Ye Jin нарын хүү ямар дүр төрхтэй бол гэсэн сониуч байдлыг улам нэмэгдүүлсэн юм.
Мөн хүүхдийг бодитоор харсан хүмүүсийн сэтгэгдэл ч олны анхаарлыг татсаар иржээ. Жүжигчин Park Yong Woo хүүг “яг хүүхэлдэйн киноноос гарч ирсэн дүр шиг” гэж тодорхойлсон бол жүжигчин Seo Eun Soo өөрийн харж байсан хамгийн үзэсгэлэнтэй хүүхэд хэмээн хэлж байв. Ийм үнэлгээ нь түүнийг хоёр алдартай одын “төгс хосолсон дүр төрх” гэх яриаг улам бататгасан байна.
Son Ye Jin, Hyun Bin нар 2022 онд гэрлэж, мөн онд хүүтэй болсон билээ. Хосууд гэр бүлийн амьдралаа олон нийтээс аль болох хол, хувийн орон зайтай байлгахыг эрхэмлэдэг. Гэсэн ч тэдний гэр бүлийн тухай өчүүхэн мэдээлэл ч олон нийтийн дунд өргөн анхаарал татдаг хэвээр байна.
Одоогоор хоёр жүжигчин хоёулаа уран бүтээлийн ажлаа үргэлжлүүлж байгаа. Son Ye Jin Netflix-ийн шинэ цувралд бэлтгэж байгаа бол Hyun Bin Disney+ төслөөр үзэгчидтэй уулзахаар ажиллаж байна. Дэлхий даяар алдартай хэвээр байх зуураа гэр бүлийн амьдралаа энгийн, тогтвортой авч яваа нь тэднийг олон нийт улам их хүндлэх шалтгаан болжээ.
