Justin Bieber болон Hailey Bieber нар WYouth сэтгүүлд шинэ ярилцлага өгч, дуртай ном, хобби, баяр болон амрах дуртай аргаасаа хуваалцжээ. Хосууд энэ удаагийн дугаарт зориулсан хамтарсан зургуудынхаа заримыг гэрийн орчинд өөрсдөө авч, илүү энгийн, дотно уур амьсгал бүрдүүлсэн байна.
Ярилцлагын үеэр Justin Bieber-ийн хамгийн дуртай ном Библи гэдэг нь тодорхой болжээ. Харин Hailey Bieber багадаа “Angelina Ballerina” номыг шимтэн уншдаг байсан тухайгаа хуваалцсан байна.
Justin Зул сарыг, Hailey Талархлын баярыг илүүд үздэг
Rhode брэндийг үүсгэн байгуулагч Hailey Bieber-ийн хамгийн дуртай баяр нь Талархлын баяр аж. Харин Justin Bieber Зул сарын баярт илүү дуртай гэдгээ хэлжээ.
Хосуудын хобби ч өөр. Justin өөрийн хамгийн дуртай чөлөөт цагийн үйл ажиллагаагаар гольф тоглохыг нэрлэсэн бол Hailey тодорхой нэг хоббитой биш гэдгээ хэлсэн байна.
Гэсэн хэдий ч амрах арга дээр тэдний сонголт давхцжээ. Justin болон Hailey хоёулаа рашаан, спа төвд амарч тайвшрах дуртай аж.
Гэрийн уур амьсгалтай зураг авалт анхаарал татав
WYouth-д зориулсан зургууд мэргэжлийн студийн хэт боловсруулсан зураг авалтаас илүү өдөр тутмын, гэр бүлийн уур амьсгалтай байжээ.
Justin болон Hailey өөрсдийн хамтарсан зургуудыг бие даан авч, зарим кадрт хоёулаа хамт, заримд нь тус тусдаа дүр төрхөө харуулсан байна.
Энэ төрлийн зураг авалт нь хосын олон нийтэд харагддаг тансаг, улаан хивсний төрхөөс арай өөр, илүү энгийн амьдралын өнгө аясыг үзүүлжээ.
Хосууд саяхан хүүтэйгээ амарсан зургуудаа хуваалцсан
Үүнээс өмнө Justin Bieber өөрийн цахим хуудсаар эхнэр Hailey болон хүү Jack Blues-тэйгээ амарсан шинэ зургуудыг нийтэлсэн байна.
Jack Blues саяхан хоёр нас хүрсэн бөгөөд хосууд хүүхдийнхээ хувийн амьдралыг харьцангуй хаалттай байлгахыг хичээдэг ч зарим гэр бүлийн мөчөө фэнүүдтэйгээ хуваалцсаар иржээ.
Justin, Hailey нарын харилцаа 2015 оноос эхэлсэн
Justin Bieber болон Hailey Baldwin нар 2015 оноос болзож эхэлсэн бөгөөд гурван жилийн дараа буюу 2018 онд гэрлэсэн.
2024 онд тэдний хүү төрснөөр хос анх удаа эцэг, эх болсон юм.
Тэдний харилцаа олон жилийн турш хэвлэл, олон нийтийн анхаарлын төвд байсаар ирсэн. Ялангуяа цахим орчинд Hailey өмнө нь Justin-ийн шүтэн бишрэгч байсан, түүнтэй зориуд ойртсон гэх цуурхлууд олон удаа тархаж байжээ.
Мөн зарим хэрэглэгч Hailey-г Justin-ийн хуучин найз бүсгүй Selena Gomez-ийн хувцаслалт, хэв маяг, зарим зан байдлыг дуурайдаг гэх таамаг дэвшүүлж байсан ч эдгээр нь батлагдсан баримт бус, цахим орчны яриа хэвээр байна.
Харин шинэ WYouth ярилцлагадаа хосууд хувийн амьдралын маргаантай сэдвээс илүү өөрсдийн дуртай зүйлс, амрах арга, өдөр тутмын сонирхлоо хуваалцсан нь онцлог байлаа.
