Жүжигчин Son Ye Jin ээж хүнийхээ илүү дулаахан, хөгжилтэй талыг JTBC-ийн “Chef & My Fridge” нэвтрүүлгээр харуулахаар болжээ. Есдүгээр сарын 13-нд цацагдах шинэ дугаарт тэрээр анх удаа гэрийнхээ хөргөгчийг олон нийтэд дэлгэн үзүүлнэ.
Son Ye Jin тус нэвтрүүлгийг тогтмол үздэг гэдгээ хэлж, оролцох болсондоо ихэд догдолж байгаагаа нуусангүй. Нэвтрүүлгийн оролцогчид ч түүний өмнөх алдартай бүтээлүүдийг дурссан байна.
Park Eun Young “Summer Scent” драм дахь Son Ye Jin-ий дүрийг өөрийн идеал дүр гэж нэрлэсэн бол хөтлөгчид болон тогооч нар түүний бусад алдартай уран бүтээлүүдийн талаар ч ярилцжээ.
Хүү нь гэртээ байнга дүрд орж тоглодог
Son Ye Jin 2022 онд жүжигчин Hyun Bin-тэй гэрлэж, тэр жилдээ хүүгээ өлгийдөн авсан юм.
Тэрээр нэвтрүүлгийн үеэр хүүгийнхээ талаар ярихдаа дүрд хувирч тоглох маш дуртай гэжээ. Хүү нь гэртээ байнга өөр өөр дүрд орж, жижигхэн жүжигчилсэн үзүүлбэр хийдэг аж.
Нэвтрүүлгийн багийнхан түүний жүжиглэж байгааг хараад инээлдсэн бөгөөд ээж нь томоохон гурван шагнал гардуулах ёслолоос Шилдэг эмэгтэй жүжигчний шагнал хүртэж байсан болохоор хүү нь ч аль хэдийн чанартай “тоглолт” үзүүлж байна хэмээн хошигносон байна.
“Ийм царайтай байж жүжигчин болохгүй байна гэдэг хэцүү байх”
Son Ye Jin-ээс хүү нь ирээдүйд жүжигчин болохыг хүсвэл ямар бодолтой байх талаар асуухад тэрээр бахархсан өнгөөр:
“Ийм царайтай байж жүжигчин болохгүй байна гэдэг хэцүү байх” хэмээн хошигножээ.
Мөн хүү нь өөртэй нь эсвэл Hyun Bin-тэй адилхан төрхтэй гэж хэлсэн ч яг хэнтэй нь илүү төстэйг тодорхой хэлээгүй байна. Энэ нь нэвтрүүлгийн оролцогчдын сонирхлыг улам их татжээ.
Гэрийн хийцийн хоолнуудаа ч дэлгэнэ
Son Ye Jin зөвхөн гэр бүлийн амьдралынхаа талаар яриад зогсохгүй хөргөгчиндөө хадгалдаг өөрийн гараар хийсэн хоол, хачруудаа ч танилцуулах юм байна.
Тэрээр хоол хийх дуртай гэдгээрээ танигдсан бөгөөд шинэхэн гэрлэсэн үеэсээ эхлэн тогтмол хийдэг байсан хэд хэдэн хоолоо үзүүлэх аж. Тэдний дунд Hyun Bin-ий хамгийн дуртай хоолнуудын нэг ч багтжээ.
Тогооч нар түүний хийсэн хачруудыг хараад ихэд гайхсан байна. Choi Hyun Seok бүр:
“Ийм юмыг үнэхээр гэртээ хийж иддэг хүн байдаг юм уу?” гэж асуужээ.
Бусад тогооч нар ч Son Ye Jin-ий хийсэн хоолыг амсаж үзэхийн тулд дараалан зогссон нь нэвтрүүлгийн хөгжилтэй мөчүүдийн нэг болсон байна.
Арьс арчилгаа, гоо сайхны нууцаасаа ч хуваалцана
Son Ye Jin мөн өөрийн хэрэглэдэг арьс арчилгаа, гоо сайхны аргуудын талаар ярьж, байнга хэрэглэдэг зарим орцоо танилцуулах аж.
Тогооч нар түүний зөвлөсөн зүйлсийг сонсоод шууд гар утсаа гаргаж, хамтдаа захиалга хийсэн нь инээдтэй нөхцөл үүсгэсэн байна.
Үүнээс гадна тэрээр Hyun Bin-ийн онцгой дуртай нэгэн орцыг ч нэвтрүүлгийн үеэр танилцуулах гэнэ.
Son Ye Jin оролцсон “Chef & My Fridge” нэвтрүүлгийн шинэ дугаар есдүгээр сарын 13-нд JTBC сувгаар 20:50 цагт цацагдана.
