Эмэгтэйчүүдийн эрхийг хамгаалах өдөрт зориулсан “International Women’s Day” тоглолт
Монголын поп урлагийн домогт төлөөлөгч, Гавьяат жүжигчин Төмөрийн Ариунаа 2026 оны гуравдугаар сарын 8-ны өдөр Олон улсын эмэгтэйчүүдийн эрхийг хамгаалах өдрийг тохиолдуулан “International Women’s Day” нэртэй тусгай тоглолтоо “M Bank Arena”-д толилуулах гэж байна.
“GRAND AWARDS 2025”-ын амжилтын дараах дараагийн том алхам
Т.Ариунаа “GRAND AWARDS 2025”-ын тайзнаа “Зүрх асна” тоглолтоороо “Бүх цаг үеийн шилдэг тоглолт” номинацийн эзнээр тодорч, Монголын хөгжмийн урлагийн түүхэнд онцгой амжилтаа баталгаажуулсан. Энэ амжилтынхаа үргэлжлэл болгож, уран бүтээлүүдээ шинэчлэн найруулж, илүү гүн мэдрэмж, хүчтэй амьд дуулалт, орчин үеийн тайзны шийдэл бүхий шинэ “SPECIAL CONCERT”-оо үзэгч, сонсогчдод хүргэхээр бэлтгэлээ хангаж байна.
Зөвхөн тоглолт биш, үзэл санааны тайзны үйл явдал
Эмэгтэй хүний тэсвэр тэвчээр, хайр, ухаарал, хүч чадлыг уран бүтээлээрээ илэрхийлж ирсэн Т.Ариунаагийн энэ удаагийн тайз нь зүгээр нэг уран бүтээлийн үдэшээр хязгаарлагдахгүй гэж хүлээгдэж байна. Тус тоглолт нь Монголын хөгжмийн урлагийн чансаа, нэр хүндийг дахин тодотгох, онцлох үйл явдал болох төлөвтэй байна.
“Бүх цаг үеийн шилдэг тоглолт”-ын эзэн дахин тайзнаа
“Бүх цаг үеийн шилдэг тоглолт”-ын эзэн Гавьяат жүжигчин Т.Ариунаа Олон улсын эмэгтэйчүүдийн эрхийг хамгаалах өдөр тайзнаа дахин дүрэлзэн асах нь тодорхой болжээ.
