Солонгосын хөгжмийн ертөнцийн алдарт уран бүтээлч Ailee тун удахгүй Монголд ирж, өөрийн амьд тоглолтоор фэнүүдээ баярлуулна. “Эвандис” энтертайнментын зүгээс зохион байгуулж буй “Супер концерт-2025” тоглолтын хүрээнд тэрбээр Монголын тайзнаа анх удаа гарч, уран бүтээлээ толилуулах гэж байна.
Тоглолтын онцлог:
- Үйл явдал: “Супер концерт-2025”
- Хэзээ: 2025 оны 6-р сарын 21
- Хаана: Төв цэнгэлдэх хүрээлэн
- Оролцох уран бүтээлчид:
- Тэ Ян (Big Bang)
- Ailee (албан ёсоор баталгаажсан хоёр дахь оролцогч)
Ailee гэж хэн бэ?
Жинхэнэ нэр нь Эми Ли (Amy Lee) бөгөөд 1989 оны 5-р сарын 30-нд АНУ-ын Колорадо мужийн Денвер хотод төрж өссөн. Солонгос гаралтай Америк уран бүтээлч Ailee нь 2010 онд БНСУ-д нүүж очин, хоёр жилийн дараа “Heaven” дуугаараа анхны дебютээ хийсэн юм.
- 2015 онд “Vivid” нэртэй анхны цомгоо гаргаснаар K-Pop ертөнцөд хүчтэй байр суурь эзэлжээ.
- Үүнээс хойш гурван цомог, олон арван хит дуугаар фэнүүдээ байлдан дагуулсаар ирсэн.
- Ailee нь Азийн болон Солонгосын хөгжмийн наадмуудаас нийт 39 шагнал хүртсэн бөгөөд хүчирхэг хоолой, мэдрэмжтэй дуулалт, амьд тоглолтоороо алдаршсан уран бүтээлч юм.
Монголын фенүүдтэй уулзах анхны алхам
Ailee “Супер концерт-2025”-ын тайзнаа гарч, Монгол дахь фэнүүдтэйгээ анх удаа биечлэн уулзах гэж байгаадаа сэтгэл хангалуун байгаагаа илэрхийлжээ. Түүний уран бүтээлүүд “K-Pop” урсгалын шинэ өнгө, мэдрэмжийг илтгэдэг төдийгүй амьд дуулалтын ур чадвараараа олон улсад хүлээн зөвшөөрөгдсөн билээ.
