Монгол Улсад анх удаа “Дэлхийн сүүний өдөр”-ийг үндэсний хэмжээний нээлттэй өдөрлөг хэлбэрээр тэмдэглэх гэж байна. Энэ өдөрлөгийг 2025 оны 6-р сарын 1-нд “Milk Festival-2025” нэрийн дор Үндэсний цэцэрлэгт хүрээлэнд зохион байгуулахаар болжээ.
Сүү, сүүн бүтээгдэхүүний үнэ цэнийг таниулах өдөр
Дэлхийн улс орнууд “World Milk Day” буюу Дэлхийн сүүний өдөр-ийг НҮБ-ын Хүнс, хөдөө аж ахуйн байгууллагын санаачилгаар 2001 оноос хойш тэмдэглэж ирсэн уламжлалтай. Монголд уг өдрийг мэргэжлийн хүрээнд хязгаарлагдмал тэмдэглэдэг байсан бол энэ жилээс анх удаа олон нийтэд зориулсан баярын хэлбэрээр зохион байгуулагдах нь онцлог юм.
Томоохон үйлдвэрлэгчид нэгдэв
Тус өдөрлөгийг дараах байгууллагууд хамтран зохион байгуулж байна:
- Сүү ХК
- АПУ Дэйри ХХК
- Тэсо Фүүдс ХХК
- Витафит Милк ХХК
- Монфреш ХХК
- Үлэмж Органик ХХК
- ХХААХҮЯ
- Монголын сүүний нэгдсэн холбоо
- НҮБ-ын FAO
Эдгээр байгууллага тус бүр өөрийн сүүний өртөөг байгуулж, иргэд, ялангуяа хүүхэд багачуудыг сүүний хэрэглээний ач холбогдлыг ойлгож, дадал болгоход чиглэсэн олон арга хэмжээ зохион байгуулна.
Та яагаад “Milk Festival-2025”-д очих ёстой вэ?
Энэхүү баярт өдөрлөгөөр дараах зүйлсийг хүлээн авна:
- Хүүхэд багачуудад зориулсан гарын бэлэг, сүүн бүтээгдэхүүний амталгаа
- Сонирхолтой хөгжөөнт тоглоом, жүжигчилсэн тоглолт
- Cosplay уралдаан, циркийн үзүүлбэр
- Эцэг эхчүүдэд зориулсан сүүн хэрэглээний зөвлөгөө, мэдээлэл
- Хүүхдийн эрүүл хооллолт, ирээдүйн дархлааг дэмжих мэдлэг олгох лекц, танилцуулга
Эрүүл ирээдүйн төлөө сүүг өдөр тутмын хэрэглээ болгох уриалгыг дэвшүүлсэн “Milk Festival-2025” нь хүүхдүүдийн сэтгэлд хоногших, эцэг эхчүүдэд хэрэгтэй мэдлэг өгөх гэр бүлийн баяр болохоор бэлтгэгдэж байна.
