Шведийн алдарт дуучин Араш ирэх сарын 2-нд Улаанбаатар хотноо болох “Сонос” хөгжмийн фестивалийн зочин уран бүтээлчээр Монголд ирэхээр болжээ.
“Broken Angel”, “Pure Love”, “Boro Boro”, “Temptation” зэрэг хит дуугаараа дэлхийн залуусын дунд танигдсан Араш нь анх удаа Монголын тайзнаа ая дуугаа өргөх гэж байна.
“Сонос” фестиваль нь олон улсын хэмжээнд зохион байгуулагдаж буй бөгөөд БНХАУ, ОХУ, БНСУ, Казахстан, Иран болон Монголын шилдэг 25 уран бүтээлч нэгэн тайзан дээр нэгдэх юм.
Араш хэн бэ?
- Бүтэн нэр: Араш Лабаф
- Төрсөн огноо: 1977 оны 4-р сарын 23
- Гарал: Иран (азербайжан үндэстэн), өдгөө Швед улсын иргэн
- Уран бүтээлийн чиглэл: Дуу, бүжиг, жүжиг, хөгжмийн зохиолч, найруулагч
10 нас хүртлээ Тегеран хотод амьдарч, 1980-аад оны сүүлээр гэр бүлийн хамт Швед рүү нүүсэн тэрээр 14 насандаа урлагийн ертөнцөд хөл тавьжээ.
Араш “Boro Boro” дуугаараа 2004 онд олон улсын хит жагсаалтуудыг тэргүүлж, дэлхийн анхаарлыг татсан.
Түүний уран бүтээлийн онцлог нь англи хэлнээс гадна эх хэл болох фарсигаар дуулдгаараа ялгардаг бөгөөд энэ нь олон үндэстний сонсогчдод хүрч, жинхэнэ дэлхийн од болоход нь тус дэм болсон.
Мөн тэрээр Болливудын кинонуудад хөгжим бичих, “Евровидение 2008” тэмцээнд оролцож гуравдугаар байрт шалгарах зэрэг амжилтаараа алдартай.
Монгол дахь тоглолт:
- Үйл явдал: “Сонос” хөгжмийн фестиваль
- Огноо: 2025 оны 8-р сарын 2
- Байршил: Төв цэнгэлдэх хүрээлэн, Улаанбаатар хот
