2025 оны долоодугаар сарын 30-нд сонгодог урлагийн мэдээлэл, дуурийн урлагийн түүх, уран бүтээлчдийн талаарх нийтлэлүүдээрээ алдартай Opera World цахим хуудас дэлхийн шилдэг дуурийн дуучдын шинэчилсэн чансааг нийтэллээ. Уг жагсаалтыг Монгол Улсын Ардын жүжигчин, нэрт баритон Э.Амартүвшин 7500 оноогоор тэргүүлсэн байна.
Э.Амартүвшин нь дэлхийн олон оронд нэр хүндтэй театрын тайзнаа “Риголетто”, “Травиата”, “Кармен”, “Тоска” зэрэг сонгодог дууриудад амжилттай тоглосон бөгөөд түүний хоолойн цар хүрээ, тайзны ур чадвар, хөгжмийн мэдрэмжийг олон улсын шүүмжлэгчид өндрөөр үнэлдэг.
Дэлхийн шилдэг дуурийн дуучдын чансаа:
Шилдэг баритон: Энхбатын Амартүвшин (Монгол) — 7500 оноо
Шилдэг басс: Георг Цеппенфельд (Герман) — 5900 оноо
Шилдэг сопрано: Елена Стихина (ОХУ) — 5400 оноо
Шилдэг тенор: Майкл Фабиано (АНУ) — 4900 оноо
Шилдэг меццо-сопрано: Айгүл Ахметшина (ОХУ) — 4800 оноо
Энэ чансаа нь уран бүтээлчдийн 2024 оны тоглолтын идэвх, ур чадвар, хүлээн зөвшөөрөгдсөн тайзны амжилт зэрэг олон үзүүлэлт дээр үндэслэн гаргасан бөгөөд Э.Амартүвшинг дэлхийн хамгийн эрэлттэй, нэр хүндтэй баритон хоолойгоор тодруулжээ.
Энэхүү амжилт нь зөвхөн Монголын урлагийн салбарын бахархал төдийгүй дэлхий дахинд Монгол уран бүтээлчдийн чансаа, түвшинг нотлон харуулсан үйл явдал боллоо.
1 comment
Тэр чансаагаараа Итали, Германчуудыг давж гарсан нь аль хэдийн түвшин юм! Браво, маэстро!