“Асарын өндөр” түүхэн жүжгийг УДЭТ-ын тайзнаа ганцхан удаа тоглоно

Монголын тайзны урлагт шинэ өнгө төрх, түүхэн ач холбогдол бүхий “Асарын өндөр” жүжиг 2025 оны тавдугаар сарын 19-нд 19:00 цагаас Улсын драмын эрдмийн театрын тайзнаа ганцхан удаа тоглогдох гэж байна.

Энэхүү түүхэн бүтээлийг Урлагийн гавьяат зүтгэлтэн Л.Ванганы нэрэмжит Завхан аймгийн Хөгжимт жүжгийн театр бүтээсэн бөгөөд орон нутгийн театрын уран бүтээлийг бодлогоор дэмжих хамтын ажиллагааны хүрээнд нийслэлд хүргэж буй юм.

“Асарын өндөр” жүжиг нь:

• Монголын тулгар төрийн үүсэл, түүхийн гүн гүнзгий агуулгыг харуулсан
• Бүс нутгийн ач холбогдлыг онцлон товойлгосон
• Тайзны урлагийн хэлбэр, найруулгад шинэлэг шийдэл оруулсан
  онцлог бүтээл гэдгээрээ үзэгч, шүүмжлэгчдийн анхаарлыг татаж байна.

Зөвхөн нэг удаа тоглогдох уг жүжиг нь түүх, соёл, урлагийн үнэ цэнийг дахин сануулах зорилготой бөгөөд орон нутгийн уран бүтээлчдэд нийслэлийн томоохон тайзан дээр уран бүтээлээ толилуулах ховор боломжийг олгож буй юм.