Өмнөд Солонгосын дэлхийд алдартай хөвгүүдийн хамтлаг BTS 2026 оны хавар бүрэн бүрэлдэхүүнээрээ тайзандаа эргэн ирэх төлөвтэй байгааг Korea Herald сонин өчигдөр мэдээллээ. Уг мэдээлэл нь армид алба хааж буй гишүүдийн бүрэн бүрэлдэхүүнтэй эргэн нэгдэх хугацаа ойртож байгааг илтгэж, фэнүүдийн хүлээлтийг улам нэмэгдүүлээд байна.
Гадаадын өөр нэгэн эх сурвалжийн мэдээлснээр, BTS 2026 оны гуравдугаар сарын дунд үеэр тайзнаа гарах магадлалтай байгаа бөгөөд энэ нь HYBE агентлагийн өөр нэг хамтлаг болох TXT-ийн эргэн ирэлттэй ойролцоо товтой давхцах боломжтой гэжээ. «Эхлээд BTS, дараа нь TXT ч байж магадгүй. Мөн эсрэгээрээ ч байх боломжтой» хэмээн эх сурвалж онцолсон байна.
Харин энэхүү мэдээтэй зэрэгцэн ENHYPEN хамтлагийн эргэн ирэлтийн хуваарь ч мөн өөрчлөгдөж магадгүй болсон талаар дурджээ. Тэд анх 2026 оны 3-р сард эргэн ирэхээр төлөвлөж байсан ч BTS-тай давхцахгүйн тулд эртдүүлэн 1-р сард эргэн ирэх хувилбарыг ярилцаж буй гэнэ.
Эдгээр мэдээллийн талаар албан ёсны байр суурийг тодруулахаар хандсан хэвлэлүүдэд BIGHIT MUSIC товчхон хариулт өгч,:
“BTS-ийн эргэн ирэлтийн хуваарьт одоогоор ямар нэгэн шийдвэр гараагүй байна.” хэмээн мэдэгдлээ.
Хэдий одоогоор албан ёсны баталгаа хийгдээгүй ч 2026 он нь BTS-ийн бүрэн бүрэлдэхүүнтэй эргэн ирэлтийн жил болж магадгүй гэсэн хүлээлт фэнүүдийн дунд өндөр байгаа нь тодорхой байна.
2 комментария
2026 он хүртэл хүлээх л болох нь дээ… Гэхдээ бүрэн бүрэлдэхүүн гэдэг бол үнэхээр гоё мэдээ!
Эргээд тайзнаа гарвал дэлхий даяар доргих нь гарцаагүй!