Өмнөд Солонгосын дэлхийд алдартай хөвгүүдийн хамтлаг BTS 2026 онд шинэ цомог гаргаж, дэлхийн аялан тоглолтоо эхлүүлэхээр болсноо албан ёсоор зарлалаа. Тэд “Weverse” платформоор долдугаар сарын 1-ний орой хийсэн шууд дамжуулалтаараа энэ мэдээг фэнүүддээ дуулгаж, хөгжмийн ертөнцөд дахин эргэн ирэх болсноо баталжээ.
Хамтлагийн ахлагч RM шууд эфирт:
“Бид долдугаар сараас эхлэн хөгжмийн ажилдаа бүрэн төвлөрнө. Ирэх хавар шинэ цомгоо гаргаж, дэлхийн хэмжээний аялан тоглолтоо эхлүүлнэ. Та бүхэн бидэнтэй үргэлж хамт байгаарай” хэмээн мэдэгдсэн байна.
Тэрбээр цааш нь шинэ дуунуудыг АНУ-д бичиж бүтээхээр төлөвлөж байгаагаа онцолсон бол гишүүн Жимин дараах байдлаар сэтгэгдлээ хуваалцжээ:
“Бид та бүхнийг удаан хүлээлгэхгүй. Хурдан бөгөөд хичээнгүйгээр ажиллах болно. Буцаад цугларсандаа маш их баяртай байна” гэжээ.
BTS-ийн бүх гишүүд цэргийн үүргээ амжилттай гүйцэтгэсэн бөгөөд одоо тэд уран бүтээлийн шинэ эрин үе рүү хамтдаа алхахад бэлэн болжээ.
2 комментария
Энэ бол жилийн хамгийн сайхан мэдээ!
Би тэднийг маш их санасан… Тэд эцэст нь буцаж ирлээ! 2026 он эрт ирэх болтугай