BTS хамтлагийн Жин шинэ бие даасан мини-альбом “Echo”-тойгоо эргэн ирлээ. Тус цомгийн тэргүүлэх бүтээл болох “Don’t Say You Love Me” нь хайртай хүмүүсийн хоорондын зай, хөндийрлийг харуулсан, намуухан поп аястай дуу бөгөөд клип нь Жин болон жүжигчин Шин Се Гёны хамтран тоглосон анхны драматик дууны видео болсон нь онцлог юм.
Клипийн гол үйл явдалд, Жин болон Шин Се Гён нарын хосын хамт өнгөрүүлсэн дурсамж бүдэгрэн алга болж, хоёрын хоорондох сэтгэл гүнзгийд үлдсэн гэдгийг илэрхийлдэг. Жин анх удаа жүжигчинтэй хослон дууны клипд оролцож, тэдний хоорондын дүр төрхийн уялдаа, дотоод мэдрэмжийг гүнзгий илэрхийлжээ.
Клипийн гол мөчид Жин Шин Се Гёныг гартаа хөтлөн зугтаж, хамтдаа байхаар зоримог шийдвэр гаргаж буйгаар үйл явдал оргилдоо хүрнэ. Энэ нь өнгөрсөн харилцааг орхиж чадахгүй, үхэж буй дурсамжийг амьд байлгах гэсэн хүслийн илэрхийлэл болжээ.
Клип Сингапурын алдартай газрууд, Үндэсний галерей, Garden by the Bay, Андерсоны гүүр зэрэг үзэсгэлэнт байгаль, архитектурын дунд зураг авалт хийгдсэн нь видео клипийн эмзэг, гунигтай агуулгыг улам гүнзгийрүүлж өгсөн. Жин өөрийн жүжигчний чадварыг бүрэн илэрхийлж, Шин Се Гёнтэй гаргасан дүрийн уялдаа, химийн харилцаа нь клипийн гол онцлох хэсгүүдийн нэг болжээ.
Дууны аяс нь зөөлөн поп хэмнэлтэй, минималист аранжировк бүхий бөгөөд ганцаардал, дурсамжийн гунигийг онцлон харуулсан. Видеоны саарал, зөөлөн өнгөний шийдэл нь уг дурсамжийг мартагдахгүйгээр дүрсэлсэн.
“Don’t Say You Love Me” нь 2025 оны 5-р сарын 16-нд албан ёсоор гарсан Жиний хоёр дахь бие даасан цомог “Echo”-ийн тэргүүлэх дуу бөгөөд өмнөх “Happy” цомогтой харьцуулахад илүү гүнзгий, гунигтай агуулгатай болсон.
“Echo” цомогт мөн “Nothing Without Your Love”, Чхве Йонтой хамтарсан “Loser”, “Rope It”, “A Journey With The Clouds”, “Background”, “To Today’s Me” зэрэг нийт 7 дуу багтсан бөгөөд аль хэдийн дэлхий даяар стримингээр сонсох боломжтой болсон байна.
Жиний шүтэн бишрэгчдэд хүлээлт өндөр. Өнөөдөр 17:00 цагт “Weverse”-д “Jin Echo Comeback Live: PLAY TIME” шууд дамжуулалтаар үзэгчидтэй холбогдоно. Түүнчлэн 5-р сарын 21-нд “The Tonight Show Starring Jimmy Fallon”-д “Don’t Say You Love Me” дуугаараа амьд тоглолт хийнэ. Үүний дараа Жин 6-р сарын 28-наас эхлэх “Run Seokjin EP Tour” нэртэй анхны бие даасан аялан тоглолтоо эхлүүлэхээр зэхэж байна. Түүнчлэн дараагийн долоо хоногт Том Крузтай онлайн шоу “Run Jin”-д уулзах гэнэ.
