CJ ENM-ийн шинэхэн бүтээл болох “Хууль ба Хот” (Law and the City) олон улсын стриминг платформууд дээр цацагдсанаасаа хойш анхны долоо хоногтоо өндөр амжилт үзүүлж, дэлхийн олон орны үзэгчдийг байлдан дагуулж байна.
Ли Жон Сук, Мун Ка Ён, Канг Ю Сок, Рю Хе Ён, Им Сон Жэ нарын тоглосон тус цуврал нь Сөүл хотын Сочо-донг дахь хуулийн дүүрэгт ажилладаг таван хуульчийн амьдрал, мэргэжлийн замналыг өгүүлдэг бөгөөд хууль ёс, үнэн шударга ёсны тухай хурц сэдвийг дэлгэцнээ буулгажээ.
Дэлхийн стриминг амжилтууд:
- Rakuten Viki платформ дээр 144 бүс нутагт топ 5 цувралын нэг болж,
- АНУ, Бразил, Франц, АНЭУ, Энэтхэг зэрэгт өндөр амжилт үзүүлсэн.
- MENA болон Энэтхэг дэх долоо хоног тутмын чартыг тэргүүлжээ.
- Америк, Европ, Далайн орнууд дахь жагсаалтад хоёрдугаарт орсон.
- Японд “U-Next” платформын драма төрөлд хоёрдугаарт, нийт бүх төрөлд зургаадугаарт бичигдэж, 2025 оны эхний долоо хоногийн хамгийн өндөр үр дүнтэй бүтээл болжээ.
- Тайваньд iQIYI-гийн К-драма төрлийг тэргүүлж, tvN Азийн хамгийн олон үзэгчтэй контент болжээ.
Дотоодын амжилт:
- 2025 оны 7-р сарын 5-нд Солонгост нээлтээ хийсэн тус цуврал прайм тайм буюу оргил цагийн хуваарьт тавигдаж, 5.1% дундаж үзэлттэйгээр тэргүүлж байна.
CJ ENM-ийн олон улсын контент хариуцсан дэд захирал Себастьян Ким хэлэхдээ:
«‘Хууль ба Хот’ цувралын тогтоосон бүх дээд амжилтыг харахад бид үнэхээр баяртай байна» хэмээн сэтгэгдлээ илэрхийлжээ.
“Хууль ба Хот” нь зөвхөн Солонгос төдийгүй олон улсын үзэгчдэд ч таалагдаж, К-драмын нөлөө, зах зээл дэх нэвтрэлтийг шинэ шатанд гаргаж буйг энэхүү амжилт харуулж байна.
