15
Монголын 2000 жилийн түүхийг дэлхийд таниулах шинэ үзэсгэлэн
Монголын түүх, соёлын 2000 жилийн өвийг нэг дор багтаасан “Монголчууд: Цаг хугацаагаар аялахуй” нэртэй үзэсгэлэн Цюрихийн Ритберг музейд энэ сарын 23-нд нээлтээ хийх гэж байна.
Энэхүү үзэсгэлэн нь Монгол орны түүхэн хөгжил, хот байгуулалтын хувьсал, соёлын өвийг олон улсын үзэгчдэд хүргэх зорилготой бөгөөд Хүннү гүрнээс эхлээд эзэнт гүрний үеийн соёл, нийгмийн бүтцийг харуулна.
Үзэсгэлэнгийн онцлох сэдвүүд
- Хүннү гүрний үүсэл ба хөгжил
- Төв Азийн тал нутгийн эзэнт гүрнүүдийн түүхэн нөлөө
- Морьдын стратегийн ач холбогдол, нум сумны инженерчлэл
- Аравтын тогтолцоонд суурилсан цэргийн зохион байгуулалт
Эдгээр хэсгүүд нь Монголын соёл, цэргийн системийн уялдаа холбоо болон дэлхий дахинд үзүүлсэн нөлөөг үзэгчдэд ойлгуулах зорилготой юм.
Үзэсгэлэнгийн хугацаа
Женев дэх Монгол Улсын Элчин сайдын яамнаас мэдээлснээр “Монголчууд: Цаг хугацаагаар аялахуй” үзэсгэлэн 2026 оны хоёрдугаар сарын 26 хүртэл үргэлжилнэ.
