Гоо сайхны чиг хандлага тогтмол өөрчлөгдөж буй өнөөгийн нийгэмд эрэгтэй, эмэгтэй хүмүүс уруулын хэлбэр, хэмжээг хэрхэн хүлээж авдаг талаарх шинэ судалгаа сонирхолтой үр дүн харуулжээ. Судалгаанд оролцсон хүмүүс «төгс уруул» гэж үзэх ойлголтод хүйсээсээ хамааран өөр өөр ханддаг нь тогтоогдсон байна.
Эмэгтэй оролцогчдын хувьд эмэгтэй хүний зузаан, дүүрэн уруул илүү сэтгэл татам, гоо үзэмжтэй санагддаг гэж хариулсан бол эрэгтэй оролцогчид илүү байгалийн төрхтэй, төрөлхийн уруулыг эрхэмлэдэг хандлагатай байжээ.
Судалгааны явцад оролцогчдод зөвхөн уруулын зургуудыг нүүрний бусад хэсгээс салгаж, бие даан харуулсан бөгөөд энэ нь тэдний үнэлгээний үзүүлэлтэд тодорхой нөлөө үзүүлсэн байна. Энэ нь уруулыг нүүрний гоо сайхны чухал бүрэлдэхүүн хэмээн хүлээн зөвшөөрдөгтэй холбоотой гэж судлаачид дүгнэжээ.
Сүүлийн жилүүдэд «уруулын дүүргэгч» буюу lip filler–ийн хэрэглээ эрс нэмэгдэж, Instagram болон TikTok зэрэг платформ дээр тухайн төрлийн уруултай инфлюенсерүүд олширсон нь энэ төрхийг «шинэ гоо сайхны стандарт» болгожээ.
Түүнчлэн, энэхүү чиг хандлага нь “уруулын дисморфи” гэх нэршлийг гаргаж ирэх шалтгаан болсон. Энэ ойлголт нь хүмүүс гоо сайхны стандартыг байнга харж, түүнд хүрэх гэж хичээхдээ өөрийн гадаад төрхийг буруутгаж, сэтгэл ханамжгүй болох үзэгдлийг тодорхойлдог юм.
