EXO хамтлагийн гол хоолой Chen Улаанбаатарт тоглолт хийнэ

Өмнөд Солонгосын дэлхийд танигдсан EXO хамтлагийн гишүүн Chen Монголын тайзнаа гарч, өөрийн шилдэг уран бүтээлүүдээ толилуулах гэж байна. EXO бол дэлхийн өнцөг булан бүрт үнэнч фенүүдтэй, K-pop-ийн хамгийн нэр хүндтэй хамтлагуудын нэг билээ.

“K Vibe In UB” тоглолт

• Тоглолт есдүгээр сарын 6-нд “SocialPay Park”-т болно.
• AJFJ энтертайнмент-аас зохион байгуулж буй уг арга хэмжээний онцлог нь зөвхөн Солонгосын уран бүтээлчид оролцох явдал юм.
• Chen-ээс гадна өөр хэд хэдэн алдартай дуучид Монголд ирэх бөгөөд тэдний нэрсийг тун удахгүй зарлахаар төлөвлөжээ.

Chen-ийн тухай товч

Chen хувийн амьдралдаа ч анхаарал татсан. Тэрээр 2020 онд алдартан бус бүсгүйтэй гэрлэж, удалгүй анхны хүүхдээ өлгийдөн авсан. 2022 онд хоёр дахь охиноо төрүүлснээр тэр өнөөдөр хоёр охинтой аз жаргалтай аав болжээ.

K-pop-ийн шилдэг хоолойнуудын нэг гэгддэг Chen удахгүй Улаанбаатарын тайзнаа хит дуунуудаа эгшиглүүлэх гэж буй нь фенүүдийн хувьд мартагдашгүй мөч болох нь дамжиггүй.