Монголын залуусын хайртай “Gangbay” хамтлаг анхны бие даасан “KACETA” тоглолтоо 2025 оны тавдугаар сарын 24-нд зохион байгуулах гэж байгаа бөгөөд өнөөдөр уг тоглолтод оролцох бүх уран бүтээлчдийн нэрсийг албан ёсоор зарлалаа.
“Ганган цагаан”, “Mamacita”, “Далдад”, “Seen”, “Могжоохон хүү” зэрэг хит дуунуудаараа үзэгчдийг байлдан дагуулсан “Gangbay” хамтлагийг 2019 оны арванхоёрдугаар сарын 17-нд СУИС-ийн нэг ангийн найзууд болох жүжигчин, найруулагч мэргэжлээр төгссөн Д.Ганбат (Gangaa) болон С.Баянмөнх (Baynaa) нар байгуулжээ. Хамтлагийн нэр нь тэдний нэрний эхний үеүүдийн нийлбэр аж.
“КАСЕТА” тоглолтод оролцох уран бүтээлчид:
- AXEMAN
- SUMENHUAR
- Event X
- ADAM CGI
- SARYUNA
- Цэнвээ
- DZE
Эдгээр артистууд “GANGBAY – KACETA” тоглолтыг урьд өмнө байгаагүй өвөрмөц өнгө аястай, залуусын эрч хүчийг мэдрүүлсэн нэгэн шөнө болгохоор уран бүтээлч сэтгэлээ нэгтгэж байна.
Хамтлагийн гишүүдийн товч танилцуулга:
- Gangaa (Д.Ганбат) – 1999 оны 6-р сарын 19-нд Улаанбаатар хотод төрсөн. 54 дүгээр сургуульд суралцаж байгаад, 77-р сургуулийг дүүргэсэн.
- Baynaa (С.Баянмөнх) – 1998 оны 10-р сарын 14-нд Эрдэнэт хотод төрсөн. “Зуун Билэг” сургуульд суралцаж төгссөн.
“Gangbay” хамтлагийн КАСЕТА тоглолт бол зөвхөн дуу хөгжмийн тоглолт биш, харин тэдний уран бүтээлийн замнал, залуусын үзэл бодол, сэтгэл хөдлөлийг тайзан дээр амилуулах чөлөөт уран илэрхийллийн арга хэмжээ болох юм.
