Америкийн бүтээл болох “KPop Demon Hunters” хүүхэлдэйн кинонд эгшиглэдэг “Golden” нэртэй дуу АНУ-ын алдарт Billboard Hot 100 жагсаалтын нэгдүгээр байрыг тав дахь долоо хоног дараалан эзэллээ.
Billboard-ийн цахим хуудсанд мэдээлснээр, шинэ жагсаалт удахгүй танилцуулах ч “Golden” дуу тэргүүн байраа хадгалсан байна.
Энэхүү бүтээлийг Өмнөд Солонгос болон Америкийн уран бүтээлчид болох Еджае, Одрі Нуна, Рей Амі нар кинонд гардаг “Huntr/x” нэртэй охидын хамтлагийн дүрээр толилуулжээ. “SM Entertainment”-ийн дэргэд хөгжмийн зохиолчоор ажиллаж байсан Еджае, Рей Амі нар хоёулаа Өмнөд Солонгост төрсөн уран бүтээлчид юм.
Мөн K-pop урсгалын томоохон агентлаг болох The Black Label-ийн алдарт продюсер Тедді, 24 нар дууны хөгжмийн найруулгыг хийсэн байна. “Golden” анх жагсаалтын 81 дүгээр байранд бичигдэж байсан бол дараа нь 23, 6, 4, 2, эцэст нь 1-р байрт дэвшин, түүхэн амжилтад хүрчээ.
“Golden”-оос гадна “KPop Demon Hunters” кинонд багтсан гурван дуу ч шилдэг аравт багтсан байна. Үүнд:
- “Your Idol” – 4-р байр
- “Soda Pop” – 5-р байр
- “How It’s Done” – 8-р байр
Эдгээр бүтээлүүдээр бүрдсэн киноны дууны цомог нь Billboard 200 жагсаалтыг тэргүүлснээр Billboard-ийн шилдэг дуу болон шилдэг цомгийн жагсаалтыг зэрэг эзэлсэн хосгүй амжилтыг тогтоогоод байна.
