Дэлхийн хамгийн нэр хүндтэй видео стриминг платформуудын нэг болох HBO Max өнөөдрөөс эхлэн Монголын зах зээлд албан ёсоор нээлтээ хийлээ. Энэхүү өргөтгөл нь HBO Max-ийн Ази, Номхон далайн бүсийн 14 оронд зэрэг нэвтрэх стратегийн хүрээнд хэрэгжиж байгаа бөгөөд Монгол улс анхны шатны зах зээлд багтсан нь онцлог юм.
Алдартай цувралууд одоо Монголд
HBO Max платформоор үзэх боломжтой “The Last of Us”, “The White Lotus”, “House of the Dragon” зэрэг дэлхий даяар үзэгчдийн талархлыг хүлээсэн шилдэг бүтээлүүд Монголын хэрэглэгчдэд албан ёсоор хүрэх гэж байна.
Үнэ ба боломжууд
HBO Max-ийн хамгийн хямд багц болох “Standard” төлөвлөгөөний үнэ сард $4.99 бөгөөд дараах боломжуудыг багтаажээ:
- Хоёр төхөөрөмж дээр зэрэг хандах
- Full HD чанартай видео
- 30 хүртэлх контентыг татаж аваад offline орчинд үзэх боломж
Монгол дахь стриминг өрсөлдөөн
Одоогоор Монголд Netflix, Amazon Prime Video, Apple TV+ зэрэг үйлчилгээ ажиллаж байгаа бөгөөд HBO Max-ийн нээлт нь өрсөлдөөнийг ширүүсгэх, мөн үзэгчдэд илүү өргөн сонголт бий болгох хүлээлттэй байна.
