Америкийн кино урлагийн домог
Зургаан арван жилийн турш Холливудын хамгийн нэр хүндтэй жүжигчдийн нэг, АНУ-ын бие даасан кино урлагийг хөгжүүлэгчдийн тэргүүн эгнээнд явсан жүжигчин Роберт Редфорд таалал төгслөө. Тэрээр 2025 оны есдүгээр сарын 16-ны мягмар гарагт 89 насандаа АНУ-ын Юта мужид хорвоог орхисон байна.
Албан мэдэгдэл
Жүжигчний публицист Синди Бергер мэдэгдэлдээ: “2025 оны 9-р сарын 16-нд Ютагийн уулархаг нутаг дахь Санданс амралтын газар, хайртай хүмүүсээрээ хүрээлэгдсэн гэртээ нас барсан” хэмээн дурьдлаа. Түүний хэлснээр гэр бүлийнхэн нь энэ хүнд үед “хувийн нууцыг нь хүндэтгэхийг” хүсч байгаа ажээ.
Кино урлагт үлдээсэн өв
Роберт Редфорд зөвхөн Холливудын том од байгаад зогсохгүй, АНУ-ын бие даасан кино урлагийн хөгжлийг урагшлуулахад үнэлж баршгүй хувь нэмэр оруулсан хүн байв. Тэрээр олон арван дүрээрээ үзэгчдийн сэтгэлд хоногшиж, Санданс кино наадмыг үндэслэн олон шинэ уран бүтээлчдэд боломжийн үүдийг нээсэн нь түүний хамгийн том өв болон үлдлээ.
