14
Улсын дуурь, бүжгийн эрдмийн театрын тайзнаа ирэх есдүгээр сарын 13, 14-нд дэлхийн сонгодог урлагийн шилдэг бүтээлүүдийн нэг болох “Хунт нуур” балетыг тоглох тов гарчээ.
Энэхүү тоглолтын онцлог нь П.И.Чайковскийн алдарт “Хунт нуур”-ыг Оросын эзэн хааны театрын уран бүтээлчид бүрэн бүрэлдэхүүнээрээ толилуулах явдал юм. Театрын хамт олон олон улсад аялан тоглох хөтөлбөрийнхөө хүрээнд Монгол Улсад анх удаа энэхүү балетыг хүргэхээр болжээ.
Тоглолтын ерөнхий зохион байгуулагчаар “Double Stage” баг ажиллаж байгаа бөгөөд энэхүү үйл явдал нь сонгодог урлагийн түүхэнд онцгой хуудас нээхээр байна.
