19
Монголын поп хөгжмийн домогт төлөөлөгч “Камертон” хамтлаг 30 жилийнхээ ойн хүрээнд хэвлэлийн бага хурлаа өдөрлөгийн хэлбэрээр маргааш зохион байгуулах гэж байна. Энэхүү онцгой өдөр нь хамтлагийн гишүүдийн хувьд “төрсөн өдөр” бөгөөд фэнүүдтэйгээ дурсамжаа хуваалцах, бүтээлээ танилцуулах онцгой орон зай болох юм.
Өдөрлөг 2025 оны зургаадугаар сарын 24-ний мягмар гарагт 19:00 цагаас “Shangri-La Centre”-ийн нэгдүгээр давхарт байрлах “Brussels Belgian Beer Café”-д болох бөгөөд:
- Хамтлагийн түүхэн мөчүүдийг харуулсан гэрэл зургийн үзэсгэлэн
- Хөтлөгч Г.Анхбаярын оролцоо
- “3 охин” хамтлаг зэрэг уран бүтээлчдийн мэндчилгээ
зэрэг олон сюрприз, халуун уур амьсгалтай үйл ажиллагаа өрнөхөөр болжээ.
Энэхүү өдөрлөгөөр дамжуулан “Камертон” хамтлаг 30 жилийн түүх, хөгжмийн замналыг нэгтгэн дүгнэж, ойн тоглолтынхоо талаарх мэдээллийг олон нийтэд хүргэх юм.
