KATSEYE шинэ зураг цацаж, “Beautiful Chaos” EP-ээр эргэн ирнэ

Олон улсын гишүүдтэй охидын хамтлаг KATSEYE шинэхэн уран бүтээлээрээ эргэн ирэхэд бэлэн болсон тухайгаа зарлалаа.

Тэд өчигдөр хоёр дахь EP болох “Beautiful Chaos”-ийнхаа зураг авалтаас шинэ тизер зургууд нийтэлж, фэнүүдээ догдлуулсан байна. Энэхүү уран бүтээл нь дөрөвдүгээр сард цацагдсан “Gnarly” нэртэй синглээс хойш хоёр сарын дараах эргэн ирэлт болж байна.

KATSEYE-ийн шинэ EP нь 2025 оны зургаадугаар сарын 27-нд албан ёсоор олон нийтэд хүрэхээр товлогдсон бөгөөд уран бүтээлийн нэр нь өөрөө хамтлагийн өнгө төрх, хөгжим, эрч хүчтэй зан чанарыг илэрхийлж буй юм.