Казахстаны нэрт уран бүтээлч Адам өнөөдөр буюу тавдугаар сарын 22-нд Монгол Улсад албан ёсоор хүрэлцэн ирнэ. Тэрбээр Youtube дээр “ZHUREK” дуугаараа 300 сая гаруй хандалт авч, олон улсын хэмжээнд нэр хүндтэй болсон артистуудын нэг юм.
Адамын ирэх шалтгаан нь энэ сарын 24-нд Төв цэнгэлдэх хүрээлэнд зохиогдох Gangbay хамтлагийн “КАСЕТА” нэртэй бие даасан тоглолтод оролцох юм. Артистыг монгол морьтнууд хүндэтгэлтэйгээр тосон угтах бэлтгэл хангагдаж буйг зохион байгуулагчид мэдээллээ.
Тус тоглолтод гадаадын нэрт уран бүтээлчид болох Буриадын Saryuna, Dze, Өвөр Монголын Sumenhuar, Axeman нар хүрэлцэн ирж, өөрсдийн хит уран бүтээлүүдийг толилуулах бол дотоодын уран бүтээлчдийн бүрэлдэхүүн дараах байдлаар батлагджээ:
FLA, Ginjin, MRS M, VANDEBO, BUNDIIN TAMGA, GALA, BABYNNA, MVCHI, ROOCKIE, DAVAIDASHA, 290, YOUNGSUB, FRUITYBAACHKA, BEKTOR PETROVIC, MAARAA, MONDA, KEY K, UGE, SAI, MINAYU (GILBEE)
DJ GEZEG, DJ BAYRAA, DJ MOOSE
SUN DANCE, AIM4R PRODUCTION, TWERK MONGOLIA бүжгийн хамтлагууд
Gangbay хамтлагийн зүгээс тайзны зураглал, дэлгэцийн шийдэл, хөгжмийн найруулга зэргийг цогцоор нь төгс хослуулах зорилго тавин ажиллаж буй бөгөөд тоглолтын үеэр олон сонирхолтой гэнэтийн бэлэг задлах тухай амласан байна.
Тоглолтын тасалбарыг eventx.mn сайтаар захиалах боломжтой.
