2025 оны BET шагнал гардуулах ёслол зургаадугаар сарын 9-ний орой Лос Анжелес хотод зохион байгуулагдаж, нэрт рэппер Кендрик Ламар хамгийн олон шагнал хүртсэн уран бүтээлчээр тодорлоо.
Тэрээр:
- “GNX” цомгоороо оны шилдэг цомог
- “Not Like Us” дуугаараа оны шилдэг видео
- SZA-тай хамтран дуулсан “Luther” бүтээлээрээ шилдэг хамтран дуулалт
- Мөн шилдэг эрэгтэй хип хоп уран бүтээлч шагналыг хүртэв.
Үүнээс гадна, Ламар өөрийн удаан хугацаанд хамтран ажиллаж буй бүтээлч хамтрагч Дэйв Фритай хамт “оны шилдэг клипний найруулагч” шагналын эзэн болсон байна.
Шагнал гардуулах ёслолд бусад уран бүтээлчид ч амжилттай оролцсон. SZA эмэгтэй R&B/поп төрөлд, харин Крис Браун эрэгтэй R&B/поп төрөлд тус тус шилдгээр шалгарсан. Doechii нэртэй уран бүтээлч шилдэг эмэгтэй хип хоп уран бүтээлч шагналыг хүртжээ.
Doechii шагнал гардаж авах үеэрээ АНУ-ын Ерөнхийлөгч Дональд Трампыг Лос Анжелест явагдаж буй хууль бус цагаачдын эсрэг дайчилгаа, баривчилгааны үйл ажиллагааны үеэр “хууль, дэг журмын нэрийн дор иргэдийн дунд айдас, үймээн тарьж байна” хэмээн хатуу шүүмжилсэн нь олны анхаарлыг татлаа.
Мөн үдэш нэрт жүжигчид болох Дензел Вашингтон, Синтия Эриво нар ч бас шагнал хүртсэн байна.
