Netflix стриминг платформ дээр зургадугаар сарын 20-нд нээлтээ хийсэн «KPop Demon Hunters» нэртэй хөгжмийн уран зөгнөлт кино нь наймдугаар сарын 3-ны байдлаар нийт 158.8 сая үзэлттэй болж, Netflix-ийн бүх цаг үеийн хамгийн алдартай англи хэл дээрх кинонуудын жагсаалтын дөрөвдүгээр байрт бичигдэж байна.
Тус кино нь үзэгчдэд долоо дахь долоо хоногоо үргэлжлүүлэн амжилттай хүрч буй бөгөөд “Red Notice” (230.9 сая үзэлт), “Carry-On” (172.1 сая), “Don’t Look Up” (171.4 сая) зэрэг бүтээлүүдийн дараа жагсаж байгаа юм. Netflix энэхүү жагсаалтыг тухайн киноны эхний 91 хоногийн үзэлтийн тоогоор гаргадаг тул «KPop Demon Hunters» цаашид ч өсөх боломжтой үлдэж байна.
Дээрх долоо хоногт «KPop Demon Hunters»-ийг гүйцсэн ганц кино нь Адам Сэндлерийн инээдмийн “Happy Gilmore 2” байлаа. Тус кино долоо хоногийн хугацаанд 40.8 сая үзэлт авч, нээлтийн уикендээрээ бүртгүүлсэн 46.7 сая үзэлтээс арай бага байв. Харин гуравдугаар байранд шинээр стримдэж эхэлсэн “My Oxford Year” кино 24.6 сая үзэлттэйгээр оржээ.
Телевизийн бүтээлүүдийн жагсаалтад “Untamed” гурав дахь долоо хоногтоо 12.2 сая үзэлттэйгээр бичигдсэн бол “The Hunting Wives” 5.8 сая, “Amy Bradley Is Missing” 4.2 сая үзэлттэйгээр удаалжээ. Мөн “Conversations With a Killer” баримтат цувралын шинэ улирал болох “The Son of Sam Tapes” долдугаар сарын 30-нд стримдэж эхэлсэн бөгөөд тав хоногийн дотор 3.4 сая үзэлт бүртгүүлсэн байна.
“The Sandman” цувралын хоёрдугаар улирал 2.8 сая үзэлтээр жагсаалтад багтсан бол 2022 онд 20 долоо хоног дараалан хит болж байсан “Wednesday” цувралын эхний улирал эргэн орж ирсэн бөгөөд энэ удаа 2.7 сая үзэлтээр зургаадугаар байрт бичигджээ. Шинэ инээдмийн цуврал “Leanne” мөн адил 2.7 сая үзэлт авч, ижил байрт бичигдсэн байна.
Netflix-ийн долоо хоногийн топ 10 жагсаалтын сүүлчийн байруудад “Raw: 2025” (2.7 сая үзэлт), шинэхэн “WWE: Unreal” (2.3 сая үзэлт) болон “Ms. Rachel” (2.1 сая үзэлт) багтжээ.
