28
Үндэсний урлагийн их театр (ҮУИТ) гадаад, дотоодын жуулчдад зориулсан “Land of the Sky” тоглолтоо өдөр бүр 18:00 цагт толилуулж байна.
Зохион байгуулагчдын онцолсноор:
“Үндэсний урлагийн энэ зуны хамгийн том тоглолт болж буй тул үзэгч таныг цаг хугацаа, соёлын хил хязгаарыг давсан, дэлхийд хосгүй аялалдаа урьж байна. ‘Land of the Sky’ бол түүх, соёл, уламжлалыг өргөн хүрээнд хамгийн тансаг, өвөрмөцөөр харуулсан жуулчны тоглолт юм.”
Энэхүү тоглолтод ЮНЕСКО-гийн соёлын биет бус өвийн жагсаалтад багтсан урлагийн төрлүүд, монголчуудын ахуй амьдрал, ардын аман зохиол, байгаль хүний харилцааг илтгэсэн хөгжим, бүжиг, уртын дуу, нүүдэлчдийн соёлын үнэт өвийг нэгэн тайзнаа амилуулна.
Тоглолтын мэдээлэл
- Хугацаа: Өдөр бүр 18:00 цагт
- Насны хязгаар: 8-аас дээш насныханд
- Тасалбарын үнэ: 40,000 – 120,000 төгрөг
- Худалдаалах сувгууд: ticket.mn болон театрын касс
