БНСУ-ын алдарт “Blackpink” хамтлагийн гишүүн, дэлхийн хэмжээний од Лиса (Lalisa Manoban) Тайландын 2026 оны Аялал, жуулчлалын албан ёсны элч төлөөлөгчөөр сонгогдлоо.
“Amazing Thailand” кампанит ажлын нүүр царай
Тайландын Аялал, жуулчлалын газар (TAT) “Amazing Thailand” нэртэй шинэ кампанит ажлынхаа хүрээнд Лисаг элчээр томилсон бөгөөд тэрээр эх орныхоо соёл, уламжлал, гоо үзэсгэлэнг дэлхий дахинд сурталчлах үүрэг хүлээжээ.
“Бид Лисаг Тайландын аялал жуулчлалыг дэлхийн тавцанд гаргах кампанит ажлын гол төлөөлөгчөөр сонгосон.
Тэрээр төрөлх эх орныхоо соёл, урлаг, зан заншлыг сурталчлан, гадаадын жуулчдыг татахад чухал хувь нэмэр оруулна. Тайланд бол хамгийн сонирхолтой, аюулгүй аялал жуулчлалын бүс гэдгийг дэлхий дахинд харуулах болно,”
— хэмээн тус газрын мэдэгдэлд дурджээ.
Лисагийн нөлөө: “Бурирамын баншнаас даавуун үйлдвэр хүртэл”
TAT-ын захирал Тапани Киатпайбул Лисагийн нөлөөг онцолж, дараах жишээг дурдав.
“Лиса Бурирамын баншинд дуртай гэж хэлэхэд л тухайн бүтээгдэхүүний худалдаа огцом өсөж байсан. Тэр нэгэн удаа Тайландын уламжлалт даавуу үйлдвэрлэдэг үйлдвэрт очиход маргааш нь жуулчид тэр газрыг дүүргэсэн.
Тиймээс бид дэлхийн хэмжээний супер одтойгоороо бахархах ёстой. Лиса эх орныхоо төлөө ажиллахдаа маш их баяртай байгаа.”
Тайландын аялал жуулчлалын шинэ эрин
Лисагийн оролцоо “Amazing Thailand” кампанит ажлыг илүү олон улсын түвшинд хүргэнэ гэж салбарынхан найдаж байна. Тайланд улс цар тахлын дараах сэргэлтийн дараа жуулчны урсгалаа нэмэгдүүлэх стратегийн хүрээнд энэхүү нэр хүндтэй албыг түүнд хүлээлгэн өгчээ.
