Lionsgate компани найруулагч Антуан Фукуа-гийн “Майкл” хэмээх намтарчилсан киноны анхны трейлерийг олон нийтэд танилцууллаа. Энэхүү бүтээл нь “Now You See Me: Now You Don’t” киноны өмнө дэлгэцнээ гарах бөгөөд попын хаан Майкл Жексоны ертөнцийг шинэ өнцгөөс харуулах юм.
Попын хааны дүрд түүний ач хүү тогложээ
Майкл Жексоны дүрийг түүний ач хүү Жаафар Жексон бүтээсэн байна. Трейлерийн эхэнд алдарт продюсер Куинси Жонс (Кендрик Сампсон) студид “Та нар үүнийг удаан хүлээсэн гэдгийг би мэдэж байна. Дуунууд нь бэлэн болсон, дуунууд бэлэн болсон. Дээрээс нь авч үзье” хэмээн хэлэх хэсэг гардаг. Үүний дараа Майклын бага нас, “Thriller” зэрэг домогт тоглолтуудын дүр зураг “Wanna Be Startin’ Somethin’” дууны аялгуунд ил гарч ирнэ.
Оддын бүрэлдэхүүн
“Майкл” кинонд Холливудын олон алдартай жүжигчид тогложээ:
- Майлз Теллер — өмгөөлөгч Жон Бранкагийн дүрд
- Колман Доминго — аав Жо Жексоны дүрд
- Ниа Лонг — ээж Кэтрин Жексоны дүрд
- Жессика Сула — эгч ЛаТоя Жексоны дүрд
- Ларенз Тейт — Motown Records-ийн үүсгэн байгуулагч Берри Гордигийн дүрд
- Лаура Харриер — хөгжмийн продюсер Сюзанн де Пассегийн дүрд
- Кэт Грэм — Диана Россын дүрд
Бусад дүрүүдэд Лив Саймон (Глэдис Найт), Кевин Шиник (Дик Кларк), КейЛин Дуррел Жонс (Билл Брэй) нар тоглож байна.
Киноны тухай дэлгэрэнгүй
“Майкл” нь дэлхийн хэмжээний супер оддын оргилд хүрсэн Майкл Жексоны амьдрал, авьяас, дотоод ертөнцийг харуулах зорилготой. Тус киноны зохиолыг “Alien: Covenant”, “Rango” бүтээлүүдээрээ танигдсан Жон Логан бичсэн бол продюсероор Жон Бранка, Грэм Кинг, Жон МакКлейн нар ажиллажээ.
Киноны зураг авалт 2024 оны тавдугаар сард дууссан бөгөөд дахин зураг авалт хийгдсэн ч трейлерээс үзэхэд нэг бүтэн кино хэлбэрээр гарна гэж харагдаж байна.
“Майкл” кино нь анх 2025 оны 10-р сарын 3-нд гарахаар төлөвлөгдөж байсан ч 2026 оны 4-р сарын 24-нд кино театруудад албан ёсоор нээлтээ хийнэ.
“Энэхүү кино нь дэлхийн хөгжмийн хааны амьдрал, түүний уран бүтээлийн гайхамшгийг дэлхий дахинд дахин мэдрүүлэх болно” хэмээн киноны товч агуулгад дурджээ.
