2025 оны 5-р сарын 25-ны өдөр Улсын Дуурь Бүжгийн Эрдмийн Театрт (УДБЭТ) Монгол болон Австри улсын уран бүтээлчдийн хамтарсан “Сонгодог үдэш” хэмээх тусгай тоглолт болох гэж байна.
Энэхүү арга хэмжээ нь хоёр орны соёлын харилцааг бэхжүүлж, дэлхийн сонгодог урлагийг монгол үзэгчдэд шинэ өнгөөр хүргэх зорилготой юм.
Дэлхийн түвшний уран бүтээлчид нэг тайзан дээр
Тоглолтыг Монголын шилдэг удирдаачдын нэг Ц.Тэлмүүн-Очир болон Австрийн алдарт удирдаач, төгөлдөр хуурч Маттиас Флецбергер нар удирдана. Үдшийн хөтөлбөрт дараах хөгжмийн суут бүтээлүүд эгшиглэх юм:
- Ж.Чулуун
- В.А. Моцарт
- Ф. Шуберт
- И. Штраусс
- Э.В. Корнголд
Эдгээр зохиолчдын бүтээлүүд нь дэлхийн сонгодог урлагийн үнэт өвд тооцогддог.
Маттиас Флецбергер гэж хэн бэ?
- 5 настайгаасаа Вена хотын урлагийн сургуульд суралцаж эхэлсэн
- Дэлхийн олон нэр хүндтэй уралдаанд түрүүлсэн, төгөлдөр хуурын гайхамшигт хөгжимчин
- Дуурь болон симфонийн бүтээлүүдийг Австри болон олон улсад удирдсан туршлагатай
- Дуурийн удирдаач, концертын хөгжимчин мэргэжлээр давхар суралцсан
Монгол уран бүтээлчдийг Флецбергер хэрхэн үнэлэв?
“Монгол дуучдын ур чадвар сэтгэл хөдлөм байлаа. Тун чанартай, өндөр түвшинд дуулж байна. Би өчигдөр дуурийн тоглолт үзлээ, маш сонирхолтой, дуучдын хоолой гайхалтай сонсогдсон”
гэж тэрбээр сэтгэгдлээ хуваалцжээ.
