Дэлхийд танигдсан Netflix-ийн “Physical Asia” шоу нэвтрүүлэг өнгөрсөн сарын 28-наас үзэгчдэд хүрч эхэлсэн бөгөөд Монголын баг оролцож буйгаараа онцгой анхаарал татаж байна. Есөн дугаарын дараах байдлаар манай баг шөвгийн дөрөвт шалгараад байгаа нь олон нийтийн бахархлыг төрүүлж байна.
Үндэсний бөхийн холбооны албан талархал
Монголын Үндэсний бөхийн холбоо Монголын багийн амжилтыг үнэлж, тус шоуны оролцогчдод албан ёсоор талархал илэрхийлсэн байна. Талархлын мэдэгдэлд:
«Netflix компанийн ‘Physical Asia’ олон улсын нэр хүндтэй телевизийн шоунд эх орноо төлөөлөн оролцож Монгол Улсынхаа нэрийг дэлхий дахинд өргөж, авьяас чадвар, ур ухаанаараа эх орноо бахархалтайгаар төлөөлсөн Монголын багийн нийт тамирчдадаа гүн талархал илэрхийлье.»
гэж дурджээ.
Арслан Б.Орхонбаярт онцгойлон талархав
Тус холбоо багийн ахлагч, Монгол Улсын үлэмж бадрах арслан Баярсайханы Орхонбаярт онцгойлон талархал илэрхийлсэн бөгөөд мэдэгдэлд:
«Онцгойлон багийн ахлагч Монгол улсын Үлэмж бадрах арслан Баярсайханы Орхонбаяр Танд Монголын ард түмний бахархлыг тээн дэлхийн олон орны үзэгчдэд Монгол бөхийн өв уламжлал, хүч чадал, авхаалж самбаа, тэсвэр хатуужлыг сурталчилж байгаад Монголын нийт бөхчүүд, бөх сонирхогчдын өмнөөс чин сэтгэлийн талархал дэвшүүлье.»
хэмээн тэмдэглэсэн байна.
Монголын багийн амжилт олон улсад Монгол бөхийн соёл, тэсвэр хатуужил, физик хүчний өвөрмөц онцлогийг таниулах чухал алхам болж, спортын олон нийтийн бахархлыг улам бүр өсгөж байна.
2 комментария
Спортын баг тамирчдаа дэмжиж, үнэлж байгаа нь сайхан байна
Булчингийн шоу үзэгчдэд их таалагдсан байх