Дэлхийн уран зохиолын ертөнцөд онцгой байр суурь эзэлдэг зохиолч Мүраками Харүкигийн сүүлийн бүтээл болох “Хот ба түүний Хийсгэлэн хана” роман уншигчдын гар дээр ирлээ. Энэхүү зохиол нь түүний хамгийн урт хугацаанд “хөдөөлүүлсэн” бүтээл бөгөөд 31 насандаа эхлүүлсэн зохиолоо 71 насандаа л бүрэн дуусгаж чадсан байна.
Зохиолын тухай товчхон:
Зохиолын гол дүр – “зүүд уншигч” хэмээн нэрлэгддэг эр багадаа нэгэн охинд ухаангүй дурлана. Гэвч тэр сэтгэл хожим нь бүдэг дурсамж төдийгүй, насан туршийн шаналал болж хувирна. Мүракамигийн бүтээлүүдийн нийтлэг сэдэв болох ганцаардал, тусгаарлал, дотоод ертөнцийн нарийн сэтгэл зүй энэ удаа ч гүн гүнзгий дүрслэгдэж, бодит ба хийсвэрийн зааг бүдгэрэх ер бусын орон зайд уншигчийг хөтөлнө.
Зохиолчийн ердийн өнгө, ер бусын илэрхийлэл:
Мэтфорчилсон энэ “хийсвэр хана бүхий хот” бол:
- Хүний оюун бодлын хязгаар
- Айдас, эргэлзээ, мэдрэмжийн ангал
- Мөн сэтгэцийн эрх чөлөө, хязгаарлал, бодит байдлын бүдэг заагийг тэмдэглэсэн бэлгэдэл юм.
Мүраками өөрийн өвөрмөц хүүрнэл, дотоод утга агуулгын гүнзгий давхаргаар дамжуулан уншигчийг эгзэгтэй асуултууд руу чиглүүлж, “бодит ертөнц гэж юу вэ?”, “сэтгэл доторх орон зай хэр зэрэг чөлөөтэй вэ?” хэмээх гүн эргэцүүлэлд урина.
Монгол уншигчдад зориулсан онцгой орчуулга:
Энэхүү номыг “Монсудар” хэвлэлийн газар эрхлэн гаргаж, орчуулагч С.Оюунбилигийн чадварлаг орчуулгаар уншигчдын гарт хүргэж байна.
