Найруулагч Б.Баатарын бүтээл болох “Гажуудал” уран сайхны кино АНУ-ын Нью-Йорк хотод зохион байгуулагдаж буй Азийн кино наадамд (The New York Asian Film Festival) үзвэрийн хэсэгт албан ёсоор шалгарлаа.
Энэхүү нэр хүндтэй наадам нь 2025 оны долоодугаар сарын 11-нд албан ёсоор нээлтээ хийсэн бөгөөд энэ сарын 27-ныг хүртэл үргэлжлэх юм. Дэлхийн хэмжээний уг наадам нь Азийн шилдэг кино бүтээлүүдийг олон улсын үзэгчдэд хүргэдгээрээ алдартай.
“Гажуудал” кино нь наадмын хөтөлбөрийн дагуу долоодугаар сарын 22-ны өдөр АНУ-д албан ёсоор нээлтээ хийж, тус улсын үзэгчдэд анх удаа толилуулагдах гэж байна.
