Америкийн стриминг платформ Netflix-ийн түүхэн дэх хамгийн их үзсэн бүтээлээр анимацийн хөгжмийн кино “K-pop чөтгөрийн ангуучид” нэрлэгдлээ. Энэхүү бүтээл 2025 оны 6-р сард цацагдсанаасаа хойш 236 сая гаруй удаа үзэгдэж, олон жилийн турш тэргүүн байрыг эзэлж байсан “Red Notice” киног гүйцэж түрүүлсэн байна.
Мультфильм зөвхөн үзэгчдийн тоогоор төдийгүй хөгжмийн ертөнцөд ч дуулиан тарьжээ. Саундтрэкууд нь Spotify-ийн хамгийн их сонсогдсон хитүүдийн нэг болсон бол гол дуу Golden нь Billboard Hot 100-ийн эхний байрыг эзэлсэн байна. Саундтрек бүтээхдээ BTS, Twice зэрэг алдартай K-pop хамтлагуудтай ажиллаж байсан продюсеруудыг урьсан нь амжилтын нэг гол шалтгаан гэж үзэж байна.
Амжилтаа ашиглан студи нь караоке хувилбарыг гаргасан бөгөөд тэр нь богино хугацаанд 18 сая долларын орлого олжээ.
Киноны тухай
“K-pop чөтгөрийн ангуучид” бүтээлийг Sony Pictures Animation компанид бүтээж, 6-р сарын 20-нд Netflix дээр нээлтээ хийсэн. Найруулагчаар Мешши Канш, Крис Аппельханс нар ажиллаж, зохиолд нь Анна МакМикен, Даня Хименес нар оролцжээ.
Түүх нь Солонгосын ард түмнийг олон зууны турш заналхийлж ирсэн чөтгөрүүдтэй тэмцдэг охидын тухай өгүүлдэг. Тэдний дуунд шидэт хүч шингэж, ард түмнээ хамгаалдаг “хонмун” хэмээх хаалтыг бэхжүүлдэг байв. Өдгөө энэ үүргийг Huntr/x нэртэй K-pop хамтлагийн охид үргэлжлүүлнэ.
Гэвч хамтлагийн ахлагч Руми өөрийн нууцыг далдлах ёстой — тэрээр хагас чөтгөр бөгөөд бие дээр нь чөтгөрийн тэмдэг улам бүр гарч эхэлдэг. Энэ үед чөтгөрүүд Saja Boys нэртэй өөрийн бойз-бэнд байгуулж, хүмүүсийн хайрыг татаж, хонмуныг сулруулах аюултай болжээ. Руми болон нэгэн чөтгөрийн хооронд сэтгэлийн холбоо үүссэнээр тэмцэл улам ээдрээтэй болно.
Эцэст нь Huntr/x хамтлаг задрахын ирмэг дээр ирэх ч, чөтгөрүүдийн финалын тоглолтын үеэр тэд тайзан дээрээ дахин нэгдэн, Saja Boys болон тэдний удирдагч Гви-Маг ялдаг.
Дуу оруулсан жүжигчид
Гол дүрүүдэд Арден Чо, Ан Хё-соп, Мэй Хонг, Чи-Йон Ю, Южин Ким нар дуу хоолойгоо өгсөн байна.
Энэхүү бүтээл нь шүүмжлэгчдийн 97%, үзэгчдийн 99% эерэг үнэлгээг Rotten Tomatoes дээр авч, Netflix-ийн түүхэнд хамгийн өндөр амжилт үзүүлсэн анимэйшн болж байна.
