7-р сарын 22 бол K-pop сонирхогчдын хувьд онцгой өдөр юм. Яг энэ өдөр гурван жилийн өмнө NewJeans хамтлаг “мэндэлсэн” билээ. Хэдийгээр одоо хуулийн маргааны улмаас үйл ажиллагаагаа түр зогсоогоод байгаа ч хамтлагийн охид фэнүүддээ зориулан баярын контент бэлджээ.
“NewJeans Day” өдрийг тохиолдуулан таван гишүүнийг япон анимейшны загвараар харуулсан богино хэмжээний тусгай видео клип гаргасан байна.
Мөн хамтлагийн албан ёсны YouTube хуудсанд “NewJeans Day” баярыг тэмдэглэн шууд дамжуулалт явуулж, хамтлагийн дууны клипний хэсэг, хөгжмийн бичлэг, хөшигний ард бэлтгэсэн бичлэгүүдийг багтаажээ.
Хуулийн маргаан ба хориг
Харамсалтай нь NewJeans одоо уран бүтээлийн үйл ажиллагаагаа зогсоогоод байна. Тэд өөрсдийн удирдах компани болох ADOR-тай шүүхийн маргаанд орж, гэрээгээ цуцлахыг оролдсон ч амжилтгүй болжээ. Шүүхээс компанийн талд шийдвэр гаргаж, хамтлагийг ADOR-ын зөвшөөрөлгүйгээр уран бүтээл гаргахыг хориглосон байна. Гэсэн хэдий ч тэдний үнэнч фэнүүд болох “Bunnies” нар хайрлагчиддаа итгэлээ алдалгүй, тэднийг хүлээсээр байна.
