“Here we are now, entertain us.” Та нар хүссэн, Nirvana биелүүлсэн. 1991 онд олонд танигдсан Nirvana хамтлагийн “Smells Like Teen Spirit” дууны клип YouTube дээр 2 тэрбум үзэлт давж, рок урсгалын түүхэнд ховорхон амжилт тогтоолоо. Найруулагч Самюэл Байерийн бүтээсэн энэ клип анх MTV сувгаар 1991 оны намар цацагдаж, Курт Кобейн тэргүүтэй хамтлагийг дэлхий дахинд алдаршуулах үндэс болсон юм.
Ихэнх 2 тэрбум үзэлт давсан хөгжмийн бичлэгүүд нь поп, латин, хип-хоп болон кантри урсгалын уран бүтээлчдэд хамаарагддаг. Жишээ нь Жастин Бибер, Тэйлор Свифт, Марун 5, Кэти Пэрри, Энрике Иглесиас, Луис Фонси, Дэдди Янки, Адель, Эд Шийран, Шакира, Алан Уолкер зэрэг уран бүтээлчид багтдаг.
Харин рок урсгалын хувьд 2 тэрбум үзэлт давсан цөөн тооны уран бүтээлчдээс дурдвал:
- Twenty One Pilots – “Stressed Out”, “Heathens”
- Imagine Dragons – “Believer”, “Thunder”
- Guns N’ Roses – “November Rain”
- Linkin Park – “Numb”
“Smells Like Teen Spirit” дуу YouTube дээр 2009 онд байршуулсан бөгөөд 2019 онд 1 тэрбум үзэлттэй болсон юм. Хоёр сарын дараа буюу 1991 оны арваннэгдүгээр сарын 23-нд уг дуу Billboard-ийн Alternative Songs жагсаалтыг тэргүүлж, Hot 100 жагсаалтын зургаадугаарт байр эзэлсэн нь энэ төрлийн дууны хувьд онцгой амжилт байв.
Хачин сонин үг хэллэгтэй (“A mulatto, an albino / a mosquito, my libido”) таван минут орчим үргэлжлэх энэ дуу тухайн үед Billboard-ийн жагсаалтыг тэргүүлж байсан Брайан Адамс, Майкл Болтон, Мэрайя Кэри, Boyz II Men зэрэг зөөлөн поп урсгалын оддоос эрс ялгарч байв. Харамсалтай нь, энэ дууны клип дунд сургуулийн зааланд, утаанд дарагдсан орчинд анархист бүжигчидтэй хамт тоглож буй дүрслэлээр тэднийг “өөр” болгоход хүргэсэн юм.
Энэхүү дуу нь хамтлагийн хоёр дахь студийн цомог болох Nevermind-ийг чартад огцом ахиулж, 1992 оны нэгдүгээр сарын 11-нд Billboard 200-ийн жагсаалтын №1 байранд гарч, Майкл Жексоны Dangerous цомгийг унагаасан түүхтэй.
