2025 оны BLAST.tv Остин Мажорын хоёрдугаар шат АНУ-ын Техас мужийн Остин хотноо зохион байгуулагдаж, фенүүдийг гайхшруулсан олон үйл явдал өрнөлөө. Pick’Em цуглуулж байсан мянга мянган фэнүүдийн итгэл, таамаглал хугарч, шинэ баатрууд тодорсон энэ шатны дараа гуравдугаар шатны сүүлийн 16 багийн нэр тодорлоо.
Гайхамшиг бүтээсэн багууд
Legacy — 3:0 харьцаатай дараагийн шатанд орсон хамгийн сенсацитай баг
CS2-ын фенүүдийн хувьд энэ шатанд Falcons, FaZe Clan, Heroic зэрэг хүчирхэг багууд 3:0-ээр гарна гэсэн хүлээлт байлаа. Гэвч Valve-ийн чансааны 49 дүгээр байрт эрэмбэлэгдэж байсан Legacy баг эхний шалгаруулалтад оролцох боломж олдсон даруйдаа гайхамшиг бүтээж чадсан юм. Анх Аргентины BESTIA баг визний асуудлаас болж оролцох боломжгүй болж, Бразилийн залуу тоглогчдоос бүрдсэн Legacy тэдний оронд өрсөлдөхөөр болсон.
Тэд эхлээд MIBR-ийг 13-10-аар, дараа нь Францын 3DMAX-ийг 13-7-оор ялж, эцэст нь FaZe Clan-ийг Мираж, Dust2 хоёрт дараалан бут ниргэв. Энэ тоглолт FaZe-д «s1mple»-ийн эхний том уналт байв.
Virtus.pro мөн 3:0-ээр дараагийн шатанд шалгарсан. OG болон B8-тай хийсэн анхны хоёр тоглолт амархан байж, гурав дахь тоглолтод PaiN Gaming-ийг нэмэлт раундаар ялсан.
paiN Gaming, 3DMAX, FURIA багууд 3:1-ээр дараагийн шатанд шалгарсан бол
FaZe Clan, Nemiga, Lynn Vision багууд эцсийн мөчид 3:2 харьцаатай хожиж, эцсийн галт тэргэнд амжиж суусан.
Сэтгэл гонсойлгосон ялагдал
OG, BetBoom багууд гурван дараалсан ялагдлын дараа тэмцээнээ өндөрлүүлэв. OG Virtus.pro, Falcons, 3DMAX нарт дараалан ялагдсан бол BetBoom эхлээд 3DMAX, дараа нь Heroic, эцэст нь MIBR-д хожигдсон.
Falcons баг энэ шатны хамгийн том уналтыг үзүүлэв. Тэднийг хоёрдугаар шатны гол фаворит хэмээн үзэж байсан ч В8, Lynn Vision багуудын эсрэг сандралдаж, OG-г арайхийн ялсныхаа дараа MIBR-д хожигдон мажороос хасагдсан. Falcons-ийн шүтэн бишрэгчдэд 5v3 харьцаагаар хожигдож болдогийг харуулсан тоглолт нь 18-17 гэсэн нэмэлт тойргийн ялагдлаар өндөрлөсөн.
Мөн M80, TYLOO багууд 1-3 гэсэн амжилтаар тэмцээнээ орхисон.
Эцсийн мөчийн шийдвэрүүд
Nemiga баг Heroic-ийг амьд үлдэх тулаанд ялсан бол Lynn Vision B8-ийг Anubis дээр ялж, Азийн төлөөлөгчийн хувьд тэмцээнээ үргэлжлүүлэх эрх авсан.
FaZe Clan сүүлийн тоглолтод MIBR-ийг Anubis болон Ancient газрын зургууд дээр ялж, гуравдугаар шатны тасалбараа баталгаажуулсан.
B8, MIBR, Heroic багууд 2:3 гэсэн амжилтаар хасагдаж, цааш өрсөлдөх эрхгүй болсон. Гэсэн ч B8-ын хувьд өөрийн зэрэглэлээ ахиулсан тэмцээн боллоо.
Гуравдугаар шатны тоглолтууд
Шийдвэрлэх шат өнөөдөр эхэлнэ. Найман тоглолт дараах байдлаар явагдана:
- Vitality vs Legacy
- MOUZ vs Virtus.pro
- Spirit vs paiN Gaming
- G2 vs 3DMAX
- The MongolZ vs FURIA (өнөө шөнө 01:30)
- Aurora vs FaZe Clan
- NAVI vs Nemiga
- Liquid vs Lynn Vision
Тэмцээний шууд дамжуулалт зөвхөн “ESN – eSports Network”-ийн YouTube суваг болон “Premier Sports Network 5” телевизээр үзэх боломжтой.
2 комментария
Faze-аас гайхалтай эргэн ирэлт!
Шонхорууд энэ удаад урам хугарав