Өмнөд Солонгосын алдарт “Plave” хамтлаг Сөүл хотын захиргаатай хамтран өсвөр үе, залуусыг чиглэсэн мансууруулах бодисын эсрэг “You use, you lose” нэртэй үндэсний хэмжээний аянд нэгдлээ.
Хамтлагийнхан тус аяны албан ёсны дүрс бичлэгт оролцож, залууст урам зориг өгөх чин сэтгэлийн мессежээ хүргэсэн байна. Тэд:
“Хэрэв та хүнд хэцүү нөхцөлд байгаа бол манай хөгжим таны сэтгэлийг багахан ч болов тайтгаруулахыг хүсэж байна. Буруу сонголт бүү хийгээрэй. Бид хамтдаа даван гарч чадна” хэмээн дулаахан уриалжээ.
Аяны онцлог ба фенүүдийн оролцоо
- Аянд хамтлагийн албан ёсны фэндом болох PLLI идэвхтэй нэгдэж байна.
- Тэд нийгмийн сүлжээний сорилтууд, хаштагийн баталгаажуулалт, дэмжлэгийн мессежүүдээр давлагаа үүсгэж, аяны санааг улам өргөн хүрээнд түгээж байгаа юм.
- Ийнхүү “You use, you lose” уриа өсвөр үеийн амьдралд байгалийн жамаар шингэхийг зорьжээ.
Сөүл хотын албан ёсны YouTube сувагт уг бичлэгийг наймдугаар сарын 18-нд байршуулсан бөгөөд одоо хотын 120 гаруй дижитал дэлгэцээр давтамжтай цацагдаж байна. Үүнд Гангнам даэгүгийн Media Pole, K-POP Square Artium, нийтийн тээврийн автобус, орон сууцны телевиз болон онлайн сүлжээ багтжээ.
Сөүл хотын нэгэн төлөөлөгчийн хэлснээр:
“Plave-ийн цэвэрхэн, чин сэтгэлийн мессеж өсвөр үеийнхэнд маш хүчтэй хүрнэ гэдэгт бид итгэж байна” гэжээ.
Plave-ийн бусад үйл ажиллагаа
- “Plave” саяхан “2025 Startup Seoul”-ийн сурталчилгааны элчээр томилогдсон.
- Сөүл хот дахь тоглолтоо амжилттай дуусгасныхаа дараа тэд “DASH: Quantum Leap” нэртэй анхны Азийн аялан тоглолтоо эхлүүлээд байна.
