Монголын хип-хоп урсгалын уран бүтээлчдийн хамтын оролцоотой бүтэж буй “RHYME” уран сайхны киноны албан ёсны дуу цацагдсан даруйдаа асар их хандалт авчээ. Тодруулбал, дуу нээлтээ хийснээс ердөө нэг хоногийн дотор нэг сая гаруй үзэлттэй болсон байна.
Энэхүү дууны онцлог нь Монголын хип-хопын хамгийн алдартай уран бүтээлчид болох 113, Ebo, Roockie, LIMIT KING, Mo’G, SHUWU, Trishna, Key K, Vande, 168, WOLFIZM зэрэг олон реппер хамтран дуулсан явдал юм. Дээрх уран бүтээлчид бүгдээрээ “RHYME” кинонд дүр бүтээж байгаа бөгөөд энэ нь уран бүтээлийн хүлээлтийг улам нэмэгдүүлж байна.
Үүнээс гадна тус киноны хоёр дахь албан ёсны дууг реппер Desant “Ка” нэртэйгээр үзэгчдэд хүргээд байгаа юм.
Нээлтийн тов
“RHYME” уран сайхны кино 2025 оны есдүгээр сард албан ёсоор нээлтээ хийхээр төлөвлөгдөж, сонирхогчдын дунд аль хэдийнээ хүчтэй хүлээлт үүсгээд байна.
1 comment
Хөөх, өдөрт сая хүн үзсэн нь үнэхээр амжилт юм