SBS телевизийн алдарт шоу “Running Man”-ы гол оролцогч, дуучин, жүжигчин Ким Жонгүк удахгүй хуримаа хийхээр болсноо өнөөдөр албан ёсоор мэдэгдлээ.
Тэрээр Кёнгидод болж буй “Running Man”-ы шинэ дугаарын зураг авалтын үеэр энэ талаараа хэлсэн бөгөөд анх зочид тоглоом шоглоом гэж бодсон ч удалгүй үнэн гэдгийг ойлгож, халуун баяр хүргэсэн байна.
Ким Жонгүкийн албан мэдэгдэл
Ким Жонгүк цахим сүлжээндээ бичихдээ:
“Сайн байна уу, Ким Жонгүк байна. Ийм мэдээлэл бичих өдөр ирнэ гэдэгт бэлтгэлтэй байсан ч яг одоо их сандарч байна. Надад үргэлж дэмжлэг үзүүлж ирсэн фенүүддээ хамгийн түрүүнд энэ мэдээг дуулгахыг хүсч байна. Би гэрлэх гэж байна. Зарим хүнд гэнэтийн санагдаж болох ч энэ жил миний урлагийн ертөнцөд хөл тавьсаны 30 жилийн ой тохиож байна. Шинэ цомог гаргахын оронд би гэргийтэй болохоор шийдлээ. Надад баяр хүргээрэй. Хурим удахгүй болно. Ёслолыг гэр бүл, ойрын хамаатан садан, анд нөхдийн хүрээнд даруухан хийхээр төлөвлөж байна. Би сайн нөхөр байхыг хичээнэ” гэжээ.
