35
Жүжигчин Сидни Суини эмэгтэй боксын анхдагчийн тухай өгүүлэх намтарчилсан “Christy” кинонд домогт боксчин Кристи Мартины дүрийг бүтээж байна.
Албан ёсны трэйлер хэдхэн цагийн өмнө цацагдсан бөгөөд бүтээлийг найруулагч Дэвид Мишод найруулжээ. Киноны үйл явдалд Кристи хэрхэн амжилтын оргилд хүрсэн, карьерын онцлох мөчүүд болон хувийн амьдралдаа тулгарсан хүнд сорилтуудыг өгүүлэх юм.
Сидни Суинигийн өөрчлөлт
- Дүрийн төлөө тэрээр хэдэн сарын турш мэргэжлийн боксчны адил бэлтгэл хийж, цохилт, хөл хөдөлгөөн, тэсвэрийн арга барилыг эзэмшжээ.
- Зөвхөн жүжиглэх бус, үнэхээр рингэнд өрсөлдөх чадвартай болохын төлөө хичээсэн байна.
- Биеийн хэлбэрийг өөрчлөхийн тулд 13 кг жин нэмэгдүүлж, булчин хөгжүүлэн хүчирхэг төрх бүрдүүлжээ.
Судалгаа ба сэтгэлзүйн бэлтгэл
Суини зөвхөн бие махбодын өөрчлөлтөөр зогсохгүй, эмэгтэй тамирчдын спортын ертөнцөд тулгардаг бэрхшээлүүдийг гүнзгий судалсан гэдгээ онцолсон. Тэрээр Кристи Мартины хүчирхийлэлтэй харилцаа, дотоод тэмцэл, сэтгэлзүйн дарамтыг ойлгохын тулд ихээхэн цаг зарцуулжээ.
“Christy” кино ирэх арваннэгдүгээр сарын 7-нд зөвхөн кино театруудад нээлтээ хийхээр товлогдсон байна.
