Жеймс Ганн-ийн найруулсан “Superman” кино 200 сая ам.долларын орлогын босгыг давжээ. Долоо хоног бүр орлого нь хурдацтай өсөж буй энэ кино одоо 400 сая ам.долларын босгыг давбал 2025 оны хамгийн өндөр орлоготой супер баатрын кино болох боломжийг бүрдүүлэх юм. Тэгвэл энэ кино бусад супер баатруудын кинонуудаас ялгарах гол зүйл нь юу вэ?
DC Studios болон Warner Bros-ийн 225 сая ам.долларын өртөгтэй энэхүү томоохон бүтээл хоёр дахь долоо хоногтоо орлогын жагсаалтыг тэргүүлж, шинээр нээлтээ хийсэн “I Know What You Did Last Summer” болон “Smurfs” кинонуудыг орлогоороо хол давжээ. Харин өмнөх долоо хоногийн шилдэгүүдээс “Jurassic World Rebirth” кино хоёрдугаар байраа хадгалсаар байна.
Superman кино энэ долоо хоногт 56–57 сая ам.доллар олох төлөвтэй байна. Marvel студи 2025 онд “Thunderbolts” болон “Captain America: Brave New World” хэмээх хоёр бүтээл гаргасан ч тэдний нийт орлого харьцангуй бага буюу одоогоор 383 сая, 415 сая ам.доллар байна. Харин Marvel-ийн шинэ бүтээл “Fantastic Four: First Steps” кино 7-р сарын 25-нд нээлтээ хийх ба Superman-тэй өрсөлдөх төлөвтэй байгаа ч киноны шүүмжлэгчид Superman-ийн орлого хурдацтай өсөж байгааг онцолсоор байна.
Яагаад энэ кино амжилттай явж, үзэгчдэд хүрч байна вэ?
Superman-ийн хамгийн тод харагдах зүйл бол бусдад туслах хүсэл. Гэхдээ энэ кино үүнээс илүү нарийн мэдрэмжийг шингээсэн байна. Тэр үргэлж зөв зүйл хийхийг эрмэлздэг “сайн залуу” мэт харагддаг ч энэ киноны хувилбар нь түүний дотоод сэтгэл хөдлөл, айдас, хүсэл зэрэг гүнзгий агуулгыг багтаасан байгаа юм.
Найруулагч Жеймс Ганн-ийн найруулга энэ удаа Superman-ийг зөвхөн бэлгэ тэмдэг төдий биш, илүү гүнзгий мэдрэмжтэй хүний хувьд харуулахыг зорьсон мэт сэдвийг шингээжээ. Хүмүүсийг аврахыг хичээж байхад ч түүнийг муулах гэж оролддог байнгын шүүмжлэгчид түүнд хэрхэн дарамт учруулж байгааг үнэхээр мэдрүүлж чадсан.
Тэр бол ердийн хүн шиг л нэгэн, зүгээр л ер бусын хүчтэй. Гэхдээ үнэхээр бусдад туслахыг хүсдэг. Бусдыг гэсэн сэтгэлийг түүний өөрийн онцлог зан чанартай сайн зохицуулан гаргаж чадсан нь энэ киног чимж байна.
Зарим үзэгчдийн сэтгэгдлээс харвал “Superman 2025 кино супер баатрууд анх ямар утгатай байсан түүнийг эргэн авчирсан кино мэт санагдсан. Үүнийг Marvel болон DC сүүлийн үед ихээхэн мартсан мэт гаргаж байсан.” гэх сэтгэгдлүүд олон байлаа.
Энэ кинонд твиттерийн жиргээ, мэдээний цикл, вирус шиг тархдаг мэдээлэл бүхэн Superman-ны өөрийгөө харах өнцөгт хэрхэн нөлөөлж байгааг илтгэдэг. Олон нийтийн дунд түүнд үүсэх хандлага, дүр төрх бодит байдалтай хэр зөрж байгаагаас үүдэх хүүний сэтгэлийн дарамтыг сайн харуулсан.
Мөн кинон дахь улс төрийн өнгө аяс нь хурц хэрнээ нарийн мэдрэмжтэй илэрхийлэгдсэн. Хуваагдсан дэлхийн бодит байдлыг хүн бүрийг хэвшмэл ойлголтод оруулалгүйгээр харуулж чадсан. Улс төрийн сэдвүүд оршиж байгаа ч тэдгээрийг дүрүүдийн хөгжил дэвшлийн явцад уялдуулах маягаар холбосон нь магтууштай. “Captain America” кино шиг хүчээр тулгасан мэт биш нь Superman улс төрийн үйл явдлуудын зөөлөн, ухаалаг, аль ч талын давуу болон сул талыг олон өнцгөөс тусган харуулсан нь олон хүнд таалагджээ.
Хөгжим болон дууны найруулга
Киноны хөгжмийг онцолж хэлэх хэрэгтэй юм. Учир нь кинонд салшгүй хүчтэй уур амьсгал өгч чадсан хэсэг болсон байна. Жон Уильямсийн сонгодог хөгжим Superman сэдвийг маш зөв хэмжээнд оновчтой ашигласан. Түүний орчин үеийн хөгжмийг өнгө сэтгэл хөдлөлийн нарийн өнгө аясыг кино эхлэхээс дуусах хүртэл шингээсэн юм. Үүнээс гадна орчин үеийн хөгжмийг зарим мөчүүдэд ашигласан нь кинонд хурцадмал байдал, хөгжилтэй өнгө аяс болоод өнөөгийн нийгэмтэй холбоотой байдлыг нэмж чаджээ.
2 комментария
Superman-г ингэж гүн гүнзгий дүрээр гаргасан нь таалагдсан. Зүгээр нэг супер хүчтэй баатар биш, харин ч хүн шиг мэдрэмжтэй байсан нь үнэхээр онцгой!
Киноны хөгжим үнэхээр гоё таарсан! Сонгодог ая, орчин үеийн хэмнэл хоёрын хослол нь кинонд уур амьсгал нэмсэн. Жон Уильямс дахин гайхамшиг бүтээлээ!