Америкийн дуучин Тейлор Свифтийн сүй тавилт алмааз үйлдвэрлэгчдэд гайхалтай мэдээ болжээ.
Mongolshow.biz-ийн мэдээлснээр, The Wall Street Journal тэмдэглэхдээ, наймдугаар сарын 26-нд Свифт болон НФЛ-ийн тоглогч Трэвис Келсийн сүйг зарласны дараа үнэт эдлэл үйлдвэрлэгч Signet Jewelers болон Brilliant Earth компанийн хувьцаа тус бүр 3% болон 26%-иар өссөн байна. Дараагийн өдөр АНУ Энэтхэгээс (дэлхийн хамгийн том алмааз үйлдвэрлэгч, экспортлогч) импортлогдох бараанд 50%-ийн татвар тогтоосон ч, дээрх хоёр компанийн хувьцаа дахин 6.3% болон 2.5%-иар өсжээ.
Сүүлийн жилүүдэд байгалийн алмаазны зах зээл тийм ч таатай биш байлаа. Учир нь хиймэл алмааз үйлдвэрлэх өртөг хямд бөгөөд борлуулалтын ашиг нь хоёр дахин өндөр. Үүний улмаас хиймэл алмаазны үнэ хамаагүй доогуур, гоёл чимэглэлд хэрэглээ нь өссөөр байгаа юм. Гэсэн хэдий ч шинжээчдийн тэмдэглэснээр, өнөөдөр бүх томоохон тоглогчид байгалийн болон хиймэл алмаазыг зэрэгцүүлэн ашиглаж байгаа нь тэдний бизнесийг тогтвортой болгож байна.
Свифтийн сүй нь хэрэглэгчдийн сонирхлыг огцом нэмэгдүүлжээ. CNBC-ийн мэдээлснээр, Трэвис Келси дуучинд бэлэглэсэн бөгжний үнэ 250-500 мянган доллар хүрэх боломжтой. Дуучны нийтэлсэн зургууд дээр жинхэнэ алмаазаар хийгдсэн бөгж харагдаж байсан бөгөөд энэ нь хэрэглэгчдийн анхаарлыг татаж, хиймэл алмааз бүхий гоёлын борлуулалтыг ч өсгөж, жижиглэн худалдаачдад нэмэлт орлого авчирна гэж тооцоолж байна.
