2025 оны Үндэсний их баяр наадам уламжлалт ёсоор сүр жавхлантай эхлэх ч энэ жилийн онцлог нь дэлхийд амжилт гаргасан монгол залуусыг онцлох явдал юм. Монгол Улсын Шадар сайд, Үндэсний их баяр наадмыг зохион байгуулах хорооны дарга С. Амарсайхан тэднийг наадмын нээлтэд хүндэт зочноор оролцуулах санаачилга гаргасныг албан ёсоор мэдэгдлээ.
Сүүлийн жилүүдэд Монголын залуус олон улсын тавцанд үнэлэгдэж, эх орныхоо нэрийг дуурсгасан амжилт ар араасаа бүртгэгдсэн. 2025 он ч үүний тод жишээ боллоо. Шатрын хүүгээс эхлээд цахим спортын дэлхийн аварга, дартс, математикийн олимпиад, урлагийн наадмуудад хүртэл монголчууд тэргүүлж, дэлхийд танигдсан юм.
Эдгээр бахархлууд наадмын нээлтийг чимж, зочдын өмнө хүндэт зочноор тайзнаа гарна. Тэдний дунд:
- “The Mongolz” — цахим спортын дэлхийн аваргын дэд байрын эзэд,
- Эмэгтэйчүүдийн 3×3 сагсан бөмбөгийн шигшээ,
- Шатарчин И. Цэлмүүн,
- Жүдо, дартс, математикийн тэмцээний аваргууд,
- Цирк, хөгжмийн уралдаан, дуу бичлэг, кино урлагийн шилдгүүд,
- Бүжгийн спортын дэлхийн аваргууд гэх мэт олон нэр хүндтэй оролцогч багтжээ.
Түүнчлэн “The Mongolz” багийн ар талд цахим спортын салбарын олон улсын томоохон ивээн тэтгэгч 1xBet Mongolia ажиллаж буйг дурдах нь зүйтэй. Энэ хамтын ажиллагаа нь зөвхөн тамирчдыг дэмжих биш, Монголын цахим спортын хөгжлийг хурдасгаж, олон улсад өрсөлдөх чадварыг нь нэмэгдүүлж байгаа юм.
Эдгээр эрхмүүдийн оролцоо нь наадмын нээлтэд шинэ уур амьсгал оруулж, залуусын урам зоригийг асаах, үндэсний бахархлыг сэргээх онцгой ач холбогдолтой болж байна.
