2026 онд дэлгэцнээ гарахаар хүлээгдэж буй хамгийн өндөр хүлээлттэй уран бүтээлүүдийн нэг болох “The Odyssey” киноны 70MM IMAX үзвэрийн тасалбарууд нээлтээ хийхээс жилийн өмнө бүрэн зарагдаж дууссан талаар зохион байгуулагчид мэдээллээ. Ийнхүү уг кино нь тасалбарын борлуулалтын түүхэнд хамгийн эрт хугацаанд дууссан цөөн киноны нэг болж байна.
Супер ододтой хүчирхэг бүрэлдэхүүн
Найруулагч Кристофер Нолан-ы найруулсан энэхүү туульсийн кинонд:
- Том Холланд
- Мэтт Дэймон
- Зендая
- Роберт Паттинсон
- Энн Хэтэуэй
- Шарлиз Терон
зэрэг Холливудын шилдэг жүжигчид тоглож байгаа нь үзэгчдийн хүлээлтийг улам ихэсгэжээ.
Трейлергүй ч тасалбарын тэсрэлттэй борлуулалт
Одоогоор албан ёсны трейлер нь ч хараахан цацагдаагүй байгаа хэдий ч “The Odyssey” аль хэдийн олон нийтийн анхаарлын төвд оржээ. Кино нь Гомерийн “Одиссей” туульс дээр суурилсан бөгөөд дүр сонголт, урьдчилсан зураг авалтын хэв маяг, найруулагчийн баг зэрэг нь энэхүү төсөлд үзэгчдийг эртнээс татагдахад хүргэсэн байна.
Нээлтийн тов ба тасалбарын дахин борлуулалт
“The Odyssey” киноны дэлхийн нээлт 2026 оны 7-р сард болохоор товлогдсон бөгөөд нэмэлт тасалбар гаргах эсэх талаар одоо хүртэл албан ёсны тайлбар гараагүй байгаа нь хүлээлтийг улам өндөрт хүргэж байна.
