15
АНУ-ын нэрт рэппер Tyler, the Creator шинэхэн уран бүтээлээрээ сонсогчдынхоо анхаарлыг дахин татлаа. Тэрээр хэдхэн цагийн өмнө “Darling, I” дууныхаа клипийг албан ёсоор цацсан бөгөөд уг бүтээлд Уиллоу Смит, Айо Эдибири, Лорен Лондон зэрэг алдартай уран бүтээлчид оролцсон байна.
Tyler урлагийн салбарт “хоёр өөр цомгийн эрин үеийг зэрэг авч яваа анхны рэппер” хэмээн үнэлэгдэж байгаа билээ. Учир нь тэрээр саяхан “Don’t tap the glass” нэртэй шинэ цомгоо гаргасан ч одоо ч “Сhromakopia” цомгийнхоо аялан тоглолтыг хийсээр байна.
Шүтэн бишрэгчдийн хувьд, нэгэн зэрэг хоёр өөр бүтээлдээ ийнхүү анхаарал хандуулж буй нь түүнийг урлагийн дээд түвшинд хүрснийг харуулж байна хэмээн сэтгэгдлүүдээ үлдээжээ.
